Martxoaren 22an Ipar Euskal Herrian diren hegoaldeko errefusiatüek alkarrekin sortherrira itzültzeko deliberoa aurkeztü züen. Euskal herriak bizitzen düan bake prosesüaren aintzinean, eta espainol gobernamentüaren nahikünte eza dela eta errefusiatüek haien ogüz itzültzeko deliberoa hartü düe. Horien artean dügü Gonzalo Etxebarria Barkoxtarra. Preseski aste ondar hontan, Bilbora ützüliko da beste herritar batekin. 34 urte egiten dü ez dela hegoaldean izan. Zer senditzen den momentü hontan ezin dela esplika dio. Hala ere Xiberoan bizitzen jarraikitzeko xedea dü. Ürrats honekin, espainol gobernüari jesto azkar bat erakutsi nahi zaio bake prosesuaren harira. Bestalde hegoalde eta espainarat nahi düalarik joaiteko parada badüke. 
Gonzalo Etxebarria :

Larrainen, bigerren ützüliaren ondotik, Sébastien Üthürriague orai artinoko aüzapeza gütiengoan gelditü da. Berarekin batean bere zerrendako hiru konseilari dirateke oposizioan. Jean Marc Bengoechearen zerrendatik zazpi haütageiek aitzinean ürrentü düe. Kanbiamena badateke beraz eta ondoko egünetan aüzapez berria izentatü da.
Emaitzetaz xehetazünak heben klixkatzez.
Hervé Amestoy konseilari berria :

Haüteskundeak doï-doïa iraganik, Xiberoa Herri alkargoako biltzar berriak bere bülegoa eta presidenta apirilaren 17an izentatüko dü. Bena 2014-2020 Xiberoko garapen ekonomiko xedearen gogozkatzeko eta eraikitzeko ez da etenik izan. Odace alkartea eta Xiberoko mendi sindikatarekin batzorde berezia osatü da, ofizialegoa, industria, komerzioa, turismoa, laborantza eta oihangintza lantaldeetan antolatü dira jadanik. Helbürüa da iragaran sei urteetako bilanaren egitea eta üda gabe dagün sei urteetako garapen ildo nausien finkatzea, hortarik helkiko diren xedeen presentatzeko Euskal Mendia egistasmoa eta Euskal Herriko lürralde kontratüan.
Joël Marion alkargoako ekonomia ardüradüna :

Maulen, Mixel Etxebest berriz ere aüzapez dateke. Bigarren ützülian boz kopürüa haunditü dü, 944 bozekin ehüneko 47,3ala heltü da. Louis Labadot-k ere, lehen ützüliari konparatüz 238 boz haboro bildü baldin badütü, orotarat 833 boz üken dütü ehüneko 41,7a, ez da aski izan irabazteko. Beñat Elkegaray-ek 218 bozekin boz zonbait galtzen dütü, halaere, bere lehen haütageitza izanik, emaitza hona kausitzen dü. Mixel Etxebest-en zerrendatik 17 konseilari izanen dira, Louis Labadot-en zerrendatik 5 eta Beñat Elkegaray ere konseilari dateke dagün sei urteetan.
Mauleko Herriko Bozkak 2. ützüliko emaitzak xehetarzünetan lotüran klixkatzez.
Mixel Etxebest :