XÜXENEAN ENTZÜN

Politika

Xarrikotapeko Jean Bernard Serbielle eta Patrick Hourcade-k, atzo irailaren 16an, Bil ta Garbi sindikatak eraiki düan Mendixka ondarkintegiaren zerratzea galtegin düe püblikoki.  Dioienaz, ondarkintegia legez kanpo da, bost mila metra karratüzko eraikin baten egiteko inkesta pübliko bat beharrezkoa beita eta. Salatzen düe , nolaz  Bil ta Garbi-k lege zorrotzago bati ezkapatzeko, 4568 metra karratüzko eraikina deklaratü düen, eraikirik izan dena 5000 metrak gainditzen dütüalarik. Legea errespetatürik izan dadin galtegiten düe bi gizonek eta inkesta püblikoa egin dadin. Martine Bisauta, Bil ta Garbi sindikatako presidentari, hitzordü bat galteginik düe, jakin dezan zoin desmartxetan diren.
Patrick Hourcade Maite Lephaille-ekin :


Dominika Boscq Bil ta Garbi sindikatako president ordearen arrapostüa ez da berantü eta salaketa egileen erranak gütietsi dütü :

Irailaren 11an, iragan neskenegünean, BDS Xiberoa (Boycott-Désinvestissement-Sanctions) taldeko hamar bat militante, Mauleko supermerkatüan sartü ziren, Israëleko ekoizpen salmentaren salatzeko. Boikotari esker esperantxa düe Israëlek eramaiten düan kolonisazioa, benefizio emaiteko ordez, kario kostatüko zaiola. Herritar güziak deitzen dütüe boikot kanpaña hortan parte hartzeko.

Frantziako lanbide profesionalen batarzünak, bere kideak grebarat deitzen dütü irailaren 30 hontan, lanbide arautuen erreforma xedearen kontre. Landide arautuetan sartzen dira, bedeziak, dentistak, farmazientak, notarioak eta üxerak besteak beste. Denek, manera batez edo bestez, erreforma xede honekin zerbait abantail galtzeko düe. Mauleko farmazian gütieneko zerbütxüa eskeiniko düe eta laboratorioa zerratürik dateke egün. Max Dallier farmaziako ardüradünak eta Nicole Etchegorry laboratoriokoak, greban zentako parte hartzen düen erran deiküe.
Max Dallier :


Nicole Etchegorry :

Atarratzeko alkarteen etxe berriaren eraikitze lanak hasi berri dira. Basabürüko Herrien arteko sindikataren xedeak, 260 000 euro kosteko dütü eta obrak urtarrilako ürrentürik dirateke. Lagüntzak, Estadotik, Akitania eskualdetik, Departementüko Konseilü nausiatik eta Xiberoa Herri alkargoatik erdietsi dütüe, ehüneko 60eko heinean. Hondarra herriek düe ekarriko. Gela berria, Atarraztarrak pilota batarzünak eta Zibero Sports eskü baloi kirol taldeak düe bereziki baliatüko, bena Basabürüko edozoin alkarteak ere erabiltzen ahalko dü.
Anixet Errezaret sindikatako presidenta :

2000 eta 2010 urteen artean, 122 etxalte galdü dütü Xiberoak, ehüneko 14a. Laborantzako lürren mailan, 2204 hektare galdü dütü, ehüneko 9a, eta aktiboen mailan, 467 lanpostü galdü dütü ere, ehüneko 33a. Zenbaki txar horiek ikusiz, eta jakitez zer garrantzia düan laborantzak leküko ekonomian, Xiberoa Herri alkargoak zezenaren adarretik hartzea deliberate dü. Gogoeta zabala abiarazirik dü, aterrabideen proposatzeko eta bereziki etxalteen transmizioa eta laborarien instalazioaren mailetan. Laborariez osatürik, laborantzako egitüra ezbardinen parte hartzearekin, lan talde bat sortü dü alkargoak eta kabale ehotegia bezalako garapenaren lagüntzeaz gain, etxalteen transmizioa eta laborarien instalazioa büiltarazteko xedea dü. Hortarako bi etxalteetaz jabetzeko ürratsetan da. Hor laborari geiek beren xedea esprabatzen ahalko düe bizpahiru urtez.
Mixel Etxebest alkargoako ekonomia sailako president ordea :

Ausaz

Kronika

Emankizüna

Artxiboan