Etienne Boyer idazleak bere bizi dütüan bi üda kontatzen dütü lan hortan. Artzain bezala erauntsirik, ze nolako esperientzia üken düan llabürtü dü. Horri esker bere tripako minak sendatü dütü eta beharra senditzen beitzüan idatzi dü. Sos irabaziak oro Astobelarrari eskeintzen dütü idazleak. Libürüa Xibero Bio saltegian salgai da. Etienne Boyer :

Mauleko kültüraldiak aitzineko urteetako arrakastaz botzik izanki üsatü bezala jarraikiko dü. Eüskal Alkargoarekin partaidetzak garatzen jarraikiko dütü, beti sos aldetik ekonomia zonbaiten egiteko xedearekin. Bestalde, azken urteetan bezala Mauletik kanpo ere ikusgarri zonbait antolatüko dütü, hala nola Ligin, Barkoxen eta Sohütan. Miarritzeko Gare du Midi gelako La Pastorale dantza ballet-arentako autobus bat antolatüko dü ere bai. Dena den libürüskak banatzen dütüe herriko etxe, saltegi eta turisma bülegoetan eta hor xehetarzünak oro edirenen dütützüe. Chrystelle Mange kültür teknikalaria :

Laida Pilota, Pier paul Berçaits-ek asmatü ikusgarria emanik izanen da Xiberoan Urrietaren 26an. Parisen bai eta Euskal Herriko honenbeste günetan eman ondoan, 11 geren aldikoz eta lehentze emanen da Xiberoan. Dantza, kantore eta müsikaren bidez, pelota eta pelotakariak laidatzen dütü ikusgarriak ; Eüskal Herri osoko artistek parte hartzen düelarik. Hala nola, Gipuzkoako landarbaso abestza eta Oinkari dantza taldea, Xiberoko Xateletarrak dantzariak, Koldo Amestoy ipuin kontazalea edo ere Magali Zubillaga, zonbaiten aipatzeko. Ikusgarriaren lehen partean Topa Noka dantzari taldea ikusten ahal date. Hitzordüa ürrietaren 26-an Mauleko Jai Alaian, sartzeak hartzen ahal dira : Xibero bio-n Maulen eta Atarratzen Unimarché saltegian. Pier Paul Berçaits :

Argazki erakuska bat da, Indiarat bidajez eramaiten gütüana Mathilde Betachet Liginagarren begietarik. Betidanik argazki egile, amets bat bete dü Indiarat joitez eta Steve McCurry foto egile famatüen ürratsen jarraikiz. Erakusketa hilabete ürrentzea arte ikusten ahalko da, eta argazkiak erosten ahal dira. Mathilde Betachet :