Previous Next

Kuturaldia Uztailan kütüral hitzordü bat da Etxebarreko eta Lexantzüko herrietan antolatürik dena. Elgebarrena alkartea eta Andozeko elkarteak dira programazaleak. 
Xede hori plantan ezari düe aurten nahi beitzüen Euskaraz ungürüan gaüaldiak proposi eta Lexantzüko eta Etxebarreko herritarrak elkartü. 
Hiru gaüaldi antolatürik dira : uztailaren 6an 7orenetan, Lexantzüko elizan kantaldi bat antolatürik da Habia taldearekin.  
Uztailaren 15ean, gaüko 9etan, Josu Martinezen Bizcarsoro filma hedatürik izanen da Etxebarreko plazan.  
Uztailaren 20ean, 7 orenetan, Enaut Elorrietak kontzertü bat emanen dü Lexantzüko elizan. 
Errakiak eta edariak badirate leküan berean. 
Xehetarzünak emaiten deizkü Egoitz Urrutikoetxeak :

Previous Next

Düala jadanik hilabete zonbait Erronkarri, Zaraitzu eta Xiberoko jente bildü direla alkarezagütza süstatü nahian. Leheneko denboretan müga üsü trabeskatzen balin bazen, orai indar gütigo egiten dügü gure aüzoen ezagützeko. Hizkuntzak batzen beigütü, harremanak berpiztü nahi dütüe « ekialdean eüskaraz » taldekoek. Hartako honanbeste hitzordü pentsatü dütüe : bazkari bat Atharratzeko bestetan, Otsagabiako gaztetxeko estreinan kümita, mendi ebilaldi bat edo orano « Eüskararen astea » larazkenean.

« Ekialdian eüskaraz» izenarekin abiatzen badira proposamen oroer zabalirik dira. Jakin logo lehiaka bat ere abiarazi düela eta züen sorkuntzak helarazten ahal dütützüe üztailaren 5a arte Artzeneri edo Xiberoko Botzan pausatzez.

Previous Next

Aintzindariak alkarteak antolatzen düan Aitzina biga ikusgarriko azken emanaldia emanik izanen da uztailaren 12an 21hetan Atharratzeko arrabotüan.
Ikusgarri horrek biltzen dütü dantza, bertsolaritza, antzerkia bai eta ere kantoria. 
Xede hori dantza eskolen galtozkatzearekin partitü da, ohartü beitira ikusgarri handi baten mentsa senditzen zela Xiberoan. 
Helbürüa zen 18 urte beno haboro dütüen jente oroer zabaltzea, eta 100 arizaleek partü hartü düe. 
Azken emanaldiarentako, Basabürüan egiteko nahiküntea züen, ez beita üsü ikusgarririk han emanik. 
Aste bürü hortako 80 bat langüntzale txerkatzen dütüe, eta izena emaiten ahal düzie aiten Aitzindariak alkarteko instagrameko lotüraren bidez edo zenbaki hortarat deitzez : 07 66 81 46 56. 
Ikusgarriko leküak salgei dira Maude saltegian Atharratzen, Tandem libürütegian, Xirikota saltegian Maulen, edo HelloAssoren bidez. 

Xehetarzünak Antton Arhancetekilan, Aitzina Bigako kide bat : 

Previous Next

Frantziako gobernamentüak ekonomiak egin nahian, leküko kolektibitateer eta eskülder sos pübliko gütigo banatü dü. Horrek ondorioak badütü, ekonomia handiena kültüran egin beita. Intermitenteek nekeziak ezagütze dütüe aurten lanaren atzamaiteko.

Erran behar da intermitente hanitxek beren urtea ürrentzeko arrenkürak ezagützen dütüela. Inkesta eraman dügü xiberoan dütügün bi intermitentekilan : Gaïa Oliarj Ines antzerkilaria eta Jon Foucher teknikalaria.