XÜXENEAN ENTZÜN

Kultura

Xiberotarrak taldeak arrakasta badü 2. diskarentako

Xiberotarrak taldearen kantaldiala joan nahi bazinden igante arrestia düzüe azken parada ! Kantaldian Azken diskako 16 kantoreen ezagützeko parada badükezüe. Diska horren grabatzeko, eta ondoko arranjamentü edo moldaketen egiteko Oihan Oliarj Ines-en lagüngoa uken düe. Harentako lan hori berezia izan da, orai arte egin zütüen lan oroetan müsikalari gisa taldeetan parte hartzen beitzüen; aldi huntan ez. Bestalde kür eramaile gisa Laura Etxegoyhen-eri dei egin düe. Neskenegüneko kantaldiarentako berantegi bada, jakin igantean arrestiko 3etan emanen düela beste kantaldia, Oihan eta beste müsikalariekin, hots diskan bezalatsü; hor lekü bakant zonbait baratzen dira, Xibero Bio…. eta irratia behatzen badüzüe irabazgei dirate! Oihan Oiliarj- Ines :


Laura Etchegoyhen :

Txontxongilo ikusgarri andana hilabete ürrentzean

Azaroaren 18tik abentüaren 10alat arte marionette ala txontxongiloak izentatzen diren ikusgarrien ikusteko parada izanen da Eüskal Alkargoari esker. Maulen ere, beste eskualdetan bezala : "Enfant d'Eléphant, Petits silences", "Aparté", "La petite fille et le corbeau" eta eüskaraz "Hitz eta Mahain" izeneko ikusgarriak ikusten ahalko dira. Ustekerian pentsatzen bada « txontxongiloak » haurrentako eginik direla, pübliko oroer zabaltzen da kümita, jakitez ikusgarri haboroxiak oroen gustüko izan ditian lantürik izan direla. Aholkatürik zaüzüe leküen begiratzea aitzinala, lekü hein bat güti beitdirate ikusgarri bakotxarentako. Lehen hitzordüa azaroaren 30an Mauleko mediatekan « Hitz eta mahain” ikusgarriarekin 11 etan. Arrestiritan 3etan "Enfant d'éléphant" parropiako gelan. Abentüaren 2 eta 3an "La petite fille et le corbeau" 10:30tan, Mauleko parropiako gelan Beatrice Lahargoue Mauleko kültür kontseilaria :

Abdelkader pastorala aurkeztürik izan da Ürrüstoin

Dagün üdan pastorala emanik date Ürrüstoi Larrabilen ; Pettarreko 4 herrien artean ; düala 12 urte bezala, Ainharbe, Ezpeize-Undürüine, Sarrikota Pea eta Urrüstoi Larrabile jüntatü dira pastorala emaiteko. Jean Louis Davant-ek idatzi dü pastorala eta haütatü dü Abdelkader Aljeriar abertzalearen historia kontatzea ! Arrazu bat beno haboro eman dütü geiaren haütatzeko, horietan, 103 euskaldünek bizia galdü züen Aljeriako gerlan, berak 27 hilabete igaran zütüan Aljerian. Abdelkader bühürtü zen Frantziako armadari 15 urtez eta gero 5 urtez presuner egon zen Frantzian eta bere bizia ürrentü züan Siriako Damas-en. Battitta Berrogain izanen da errejenta eta Sophie Larrandaburu-k kantoreak eramanen dütü ; Pastoralaren mustrakak abiatüko dira urtarrilaren 11an. Jean Louis Davant idazlea :


Battitta Berrogain :

Allande Uthurralt :

Eüskarazko ekitaldi hanitx hilabete hontan

Eüskarazko hitzordüak proposatü nahi dütüan « Euskararen Urtaroa » abiatzen da gaur Eüskal Herrian. Baxe Nafarrotik ideia partitürik eta Eüskal Alkargoak bultzatürik, 15 egünez ahal bezain eskeintza zabala agertüko da. Xiberoko lehen hitzordüa gaur berean da « Abdelkader » pastoralaz mintzaldi batekin Jean louis DAVANT-ekin 8ak 30 tan Ürrüstoin. Besterik izanen da 15 egünez : mintzaldi, gaüaldi hots eüskararen gozatzeko parada izanen da eta nolaz ez, Xiberoko Botzak Irurin antolatüko dü mintzaldi kantaldi gaüaldi bat azaroaren 29an Etxahun Irurien hiltzearen 40 urteen ohitarazteko. Maritxu Lacarrieu alkargoako langilea :

Ausaz

Kronika

Emankizüna

Artxiboan