XÜXENEAN ENTZÜN

Kultura

«Rene Cassin» date 2013an pastoral geia. Xiberoko makia pastorala emanez geroztik, 11urte iragan dira Sohütarrentzat. 2001an bizi düen experientzia hona berpizteko xedearekin, düala lau urte erabaki züen 2013ko urtearen etxikitzea pastoral emaiteko. Data etxikirik, geia haütatü behar izan düe. Sohütarrak, Jean-Louis Davant-en ganarat hüilantü dira pastoral baten idazteko. Larrabileko idazleak honartü dü eta René Cassin Pastorala idatzi dü. Orai, herritar biltzea beharrezko da. Beraz, Sohütar güziak kümit dira maiatzaren 12an neskenegünarekin gaiko 8.30tan Sohütako kirol gelan. 2013an emanen düen «Rene Cassin» pastorala presentatüko dü Jean-Louis Davant idazleak eta ber denboran errejentak ere aipatürik dirate.

Entzün Pierrot Aren Sohütarra Pastoral antolazaletan dena : 

Jenteak saldoan bildü dira Gamereko plazan aurtenko bostgerren eta azken maskaradaren sogiteko. Hatsarrean, Gamere-Zihigako gazteek eman behar bazütüen maskaradak, azkenean, Xiberoko Ikastoletako ikasle ohiek dütüe maskaradak plantatü. Dantzari fiak, jokülari honak, botz ederrak, arizale güziak eüskaldün, erraiten ahal da püblikoa oso botzik izan dela eta süxtut kuntent maskarada izan delakoz. Heltübada 2013an, beste maskarada bat badate eta agian Gamere-Zihigan zerbait plantatüko düela. Artean, maiatzaren 13an Senperen Herri ürrats egünean, maskaradakariak azken aldikoz ikusiko dira barrikada zonbaiten emaitez.

Entzün maskaradatik landa izan diren lekükotarzün zonbait : 


Entzün Maddi buhamesa : 

Entzün Mathieu Tauzin Gamereko gaztea : 

Entzün maskaradako azken kantorea : 

Kontzertü, zinema edo pailaso-klun ikastaldiak, proposamen ezbardinak lüzatzen dütü Hebentik Kültür alkarteak. Lehenik, maiatzaren 5ean Maulen arrestiriko 19etan alkartearen egoitzan, "D’En Haut" bikotearen kontzertü akustikoa proposatzen dü. Üda hontan aldiz, bi ikastaldi antolatzen dütü Hebentikek. Lehena, filma dokümentala, ikuspegi poetikoarekin nola egiten den ikas daiteke, üztail eta agorrilan lau aste ondarrez. Bigarrena, « pailaso eta gü » formakuntza da. Aste batez, gure baitan dügün pailaso edo klunaren atzamaitea proposatürik da. Bi ikastaldi horietaz argitarzün güzien ükeiteko edo izenen emaiteko deit dezakezüe 05 59 19 15 87 telefono zenbakiala.

Entzün Pierre Vissler "Vivi" Hebentik alkartekoa : 

«Xiberoko Antzertia edo Pastorala», Junes Cazenave-Harigileen azken libürüa plazaratü berri dü Eüskalzaindiak. Idazleak, Pastorala antzerki mota bezala ikertzen dü libürü hontan. Pastorala, Nontik jiten den ? Nola idatzirik den ? Nola antzezten den ? Zoin diren errespetatü behar diren arauak ? zehazten dü ere. Pastorala antzezten düan herrian, nolako dinamika sortzen den ? ere deskribatzen dü eta libürüaren azken partean, izan dadin pastoralak, ipuinak, olerkiak edo ützülpenak, jorratü dütüan literatürako sail ezbardinetaz bere gogoeta egiten dü. «Xiberoko Antzertia edo Pastorala» Junes Cazenave-Harigileen libürüa, libürütegi hon güzietan edireiten ahal da oraidanik.

Entzün Junes Cazenave Harigile libürüaren idazlea : 

Xiberoa Kantüz 18. Festibala iraganen da apirilaren 30ean astelehen gaüan 21.etan Mauleko Jaï-alaian. Aldi hontan, Pierre Rousseu « Latxikana » omentüko düe. Latxikana bera ariko da kantan bederazkan edo Negeloua eta Beñat Arhantzetekin, bai eta Xiberoko kantari andana bat ere agertüko dira taulen gainen, hala nola, Sohütako kantarisak eta Gaztelaï taldea, Delphine Eyheramendi eta Maialen Larrory, Ezpeizeko Xiberoko Jauna pastoraleko kürra, Ürxantxak, Xamarra taldea, Eskiulako Henri eta Graxana Castillon, Xiberoko Zohardia taldea, Altzürükütarrak, Niko- Jean Etxart eta Robert Larrandabürü.

Entzün Jean-Pierre Behocaray Xiberoa Kantüz festibleko antolazalea :

Ausaz

Kronika

Emankizüna

Artxiboan