Xiberoko Zohardia dantzarien alkarteko bildüma aski hon agertzen da. 2013ko geroari bürüz so dira alkarteko kideak eta xede zonbait badütüe, webgüne baten sortzea eta urte oroz bezala Xiberua kantüz antolatzea. Aurten ere, beste xiberotar bat omentüko düe, Dominika Etxart Llarraki Altzürükütarra. Horrez gain, xede nausia da alkartearen 40. urtebürüaren prestatzea. Jadanik, abantsü oro prestik bada, egünaren atzamaitea baratzen zaie setemere alteko.

Entzün Milou Castan Xiberoko Zohardia alkarteko lehendakaria : 

XIRU festibalak 3 egün iraünen dü martxoaren 22tik- 24ala. Martxoaren 22an hasiko da Mauleko "Dédé"ren ostatüan, "Chez Ibar" filma date hedatürik. Ondotik, André Thiriat, Lorraine eskualdetik Xiberoalat ihes jin züen jenteak aipatüko dütü, ürrentzeko "eskü soinüko" kontzertüa Michel Macias eta Jean-Christian Galtxetabururekin. Martxoaren 23an neskenegün goizarekin,"Maskaradak eta buhameak" erakuskaren bijita Mauleko Hondarrearen Etxean. Arrestiritan 15.30tan Irabarneko elizan "La photo déchiré" filma- dokümentala, portüges emigrazioaz. Gaüan 21.00tan ikusgarri nausia "TRANSHUMANTZIA" Francois Rossé eta Mixel Etxekopar soinügileekin ondotik HIRUALDE taldea. Biharamenean, igante goizarekin kantaldi ibiltari bat. Ondotik arrestiriko 15.00tan Gotaineko plazan EDERLEZI pastoral sorkuntza. Arratsan, festibala ürrentzeko JOXE RIPLAY taldea. Leküen etxekitzeko, Maule eta Atharratzeko Turismo Bülegotan ! Ikus XIRU festibaleko programa osoa.

Entzün Mixel Etxekopar Abotia alkartekoa eta XIRU festibaleko antolazalea : 

Üda hontan Sohütako ehün bat herritarrek "René Cassin" pastorala emanen düe, Jean-Louis Davant-ek idatzi düan pastorala. Düala 12 urte Xiberoko Makia eman züen bigerren gerla denborako historia eta aldi hontan ere 2. gerla denboran izan ziren gertakari aipatüko dira. René Cassin ofizioz jürista, giza eskübideen idazle bezala ezagütürik eta Nobel saria üken züan 1968an. 1976an zentü zen eta Pariseko Panthéon-an ehortzirik izan zen. Entzün pastoralean partaide direnak. 

Entzün Jean-Louis Davant eüskalzaina pastoral idazlea, lehen partea : 

Entzün Jean-Louis Davant eüskalzaina pastoral idazlea, bigerren partea : 

Entzün René cassin pastoraleko bi errejentak Battitta Berrogain eta Alain Guimon sohütarrak :

Entzün Pierrot Aren pastoralaren abiarazlea, Yvette Landarrabilco eta Agnes Laborde dantza erakasleak eta Joana Etxeberri Urdinarbetarra arropa egilea : 

Entzün Jean-Louis Aramburu pastoraleko kür eramailea, Dominique Pinque süjeta eta Céline Othatceguy süjetaren emaztea : 

Laborari zonbaitek bizitzen düen, bakartarzüna, soltarzüna, lanen sofrimenak edo estreza bezalako arrenküren aipatzea ez da gaüza aisa. Antzerki baten bidez, txostakatzeko maneran eta noiztenka ümorearekin traba zonbait aisago gaintitzen direlakoz, MSAk  « En compagnie des oliviers » antzerki taldearen « Il y a un os » antzezlana proposatzen dü martxoaren 19an astearte arratsarekin 20.15etan Maule-Baitha zinema gelan.

Entzün Dorothée Nabarra, Atharratzeko kantonamentüko MSAko ordezkaria :