Maskaradak zentzü sinbolikoa galdü ote dü ? Hona besteak beste zoin galtoen üngürüan eztabadak eraman diren Atharratzen egin den mintzaldian. "Maskaradak denboran" izenbürüarekin Jean-Mixel Bedaxagar, Jon Iruretagoiena, Junes Casenave eta Eñaut Etxamendik argitarzünak ekarri dütüe. Ikusmolde ezberdinak agertü dira bereziki sinboloetan, hala nola, hartzaren presentzia, bralea dantzarena eta ere emazteen parte hartzea maskaradetan. Jean-Mixel Bedaxagaren ustez, emazteek beste funkzio bat üken behar lukee, Jon Iruretagoienaren ustez sinboloak agian ez dira hain inportantak. Zer nahi izanik, maskaradek menteak iragan dütüe, beti hor dira eta agian lüzaz iraün behar lukee.

Entzün Jean-Mixel Bedaxagaren ikusmoldea : 

Bertsularitzak bere bidea zabaltzen ari dü Xiberoan. Koblaka alkarteak eramaiten düan lanaz gain, Xan Alkhatena gehitzen da Xiberoko ikastoletan bertsu eskolak segürtatüz. Urtarilaz geroztik, Sohüta, Arbaila eta Argia kolegioko ikasle elebidünekin, bertsularitzaz lan bat eraman düe. Xede horrek bi helbürü badütü, alde batetik, bertsularitzaren ezagütaraztea eta bestetik, 6.mailako ikasleek 5.an ere elebidün saila jarraikitzea. Bertsu ateleria hau barantailan ürrentü da Altzürükün kobla zonbaitekin. Ikasleek lantü zütüen geiak, Joanes Etxebarria, Ramuntxo Christy eta Johañe Sarraillet bertsulariek kantatü dütüe.

Entzün Xan Alkhat bertsu erakaslea eskoletan ibilten dena  : 

Ihauteak ospatü dütüe Eperra Ikastolan. Sohütako ikastolako haurrek, Eüskal-Herriko ihauteriko koloreak jauntsi dütüe, ikusgarri eder baten eskentzeko. Ihauteriko dantzak, joküak eman dütüe, handienek aldiz, maskaradak jei herrikoia jokatü düe. Gorriak eta Beltzak hor ziren joküan sartzeko eta plazer handi batekin ari izan dira Ikastolako ait'amen aitzinean. 

Entzün Sohütako Ikastolako haurrak : 

Martxoaren 14an Andoainetik abiatüko da 18. korrika eta 24an heltüko Baionala. Xiberoan bere itzülüa eginen dü. Martxoaren 16an arrestiriko 15.00tan Oxkaxeko lepotik eraitsiko da 18.00en altexean heltzeko Arüen. Xiberoan diren 30 kilometrak, Xiberoko Gaü Eskolak dütü kudeatzen eta beste urtez bezala, kilometra bat hartü nahi badüzüe, Xiberoko Gaü Eskolarekin harremanetan sartü behar zide. Bestalde, Korrikari lotürik den Korrika Kültürala abiatzen da.
Barantailaren 22an ostiralearekin Mauleko Zinka ostatüan Xiberoko bertsulariak, Agustin Alkat bere müsikalariekin eta pintxoak.
Martxoaren 1an Maule Baitha zine gelan “Llapien hesia” lüze metraia 
Martxoaren 9an Mauleko kaserna ohian Kabaret gaüaldia, kantore, antzerki, bideo, jateko eta edateko.
Martxoaren 16an Korrikaren besta Arüen
Martxoaren 22an Korrika Ttipi Atharratzen, ikastola eta kalandretako haurrekilan.

Entzün Bixente Goihenexpe Xiberoko Gaü Eskolakoa :