XÜXENEAN ENTZÜN

Kultura

16. Gaü-Izartsü, gaüaldi liriko eta müsikala proposatzen dü Altzürüküko Goiz-argi alkarteak üztailaren 13an. Parisetik jinik, Leïla Brédent sopranoa, Guillaume Dussau apala eta You Zhou pianista kümitatzen dütüe. Mozart, Puccini, Verdi, Bizet edo Bach, bestea beste, operaetako ahaideak eskentüko dütüe. Ürrentzeko, Nadine Elgoyhen eta Lucien Larraus-Joa Xiberoko kantore zonbait emanen dütüe. Gaüaldia Altzürüküko San Marti elizan iraganen da gaüko 21tarik harat eta üsatü bezala sartzea dohainik date.

Entzün Johañe Carricabürü Lapistoi Goiz-Argi alkarteko bürüa :

Pyrenaïa Turba otxote mixtoak eta Maddi Oyhenartek kantaldi bat eskentüko düe üztailaren 8ean Maidalenako txapelan arrestiriko 17etan. Pyrenaïa Turba Otxoteak, Euskal kantütegi eta klasiko errepertorioko kantoreak emanen dütü eta Maddi Oyhenartek aldiz bere kantoreak eta hebenko ohidürazko zonbait emanen dütü. Sartzea dohainik izanen da, ondotik züntzür bustitzea eskentürik date. Sekülan ebia balitz kantaldia Atarratzeko elizan eginen da.

Entzün Nicole Curutchague kantaldiaren antolazale bat : 

Urte hona izan da 2011a Maule Baitha zine gela kudeatze düan alkartearentako. Sartzeen aldetik 2010a beno 2000 sartze haboro izan dira, bereziki
« Les Intouchables » filmak ezagütü düan arrakastari esker. Orotarat, 18000 iraganik sartze izan dira, haurrak eta gazte dira so egile nausiak, hortarako eskentza zabala egiten dü Maule Baithak pübliko honi züzentürik. Kontüak plomatzen dütü Maule Baithak bena aspaldiko arrenküra da, elektrika eta gasako gastüak, pezü sobera düelakoz. Ofiziozko jente bat iragan da zine gelatik isolazionearen ikusteko eta üdüriala oso txarra agertü da. Düdarik ez, lanak egin beharko dira gaüzen hobetzeko.

Entzün  Henri Gairin Calvo Maule-Baitha zinema alkarteko bürüa :  

Üztailaren 29an izanen da Jose Mendiague Pastoralaren lehen emanaldia Arrokiagan. Pastoraleko afixa egilea Jean Jasa da, sortzez Sohütarra eta azken urte horietan Arrokiagan bizi dena. Bestalde, pastoraleko sartzeak salgei dira Xiberoko Turismo Bülegoetan, Lechardoy aragi saltegian Barkoxen eta Baionako Mattin Mega dendan 14€ eta dohainik da 12urte petik direnentako.

Entzün Jean Jasa Jose Mendiague pastoraleko afixa egilea : 

Kültüraldia, üdako besteen, gertakarien, kirol aktibitateen eta elkaldien egütegia Xiberoan plazaratürik izan da. Hitzordüen zerrendaz gain, xehetarzün zehatzak edireiten ahal dira gure kültüraren heinbat geietaz. Hitzordü nausietan, ohart etxekiko dügü, Altzürüküko kantaldi lirikoa, aurten goizaxago iraganen dena üztailaren 13an, Arrokiagako José Mendiague pastorala üztailaren 29ean eta agorrilaren 5ean, Amaiur ikusgarria agorrilaren 10 eta 11an, Garindaineko Eüskal Kantorearen Festibala agorrilaren 14ean, espartinaren besta agorrilaren 15ean, besteak beste. Kültüraldia 10000 aleetan ekoiztürik, saltegi, pübliko güneetan eta Xiberoko Turisma bülegoetan edireiten ahal da.

Entzün Pierre Etchemaite Xiberoko Turismo Bülegoko lehendakaria : 

Ausaz

Kronika

Emankizüna

Artxiboan