Hezkuntza - Xiberoko Botza

: Hezkuntza; 2021 Iraila 03; Agerraldiak: 1318

Baimenik ez ükenik ere, Larrainen eüskaraz hasi düe sartzea

Aiherra, Idauze-Mendi eta Ortzaizentako murgiltze esperimentazioaren alte agertü bada departamentüko Akademia Ikuskaritza, Larrainek ez dü arrapostü finkorik üken. Gela bakarreko eskolako aitetamak bai eta herriko etxea güdükan jarraikiko düe. Atzo baimen ofizialik ez izanik ere, andereño erretretadün bat eskolarat hüllantü da klasea eüskaraz emaiteko.
Iulen han günüan Jean Dominique Iriart ta eskolako aitetamak beha ditzagün :

: Hezkuntza; 2021 Iraila 02; Agerraldiak: 1518

Sartzea !!!!

Sartzea da eskola ta ikastoletan!!

Sohütako Eperra ikastolan nola igaran den, zer kanbio badüen, zer xede.... ikus dezagün!!

95 haurretarik 97tara igaran dira 9 familia berrirekin!!

: Hezkuntza; 2021 Uztaila 07; Agerraldiak: 1197

Üdako ikastaldiak berriz hasten !

Igan urtean covid mesürengatik gaü eskolakoak Maulen baratü balin baziren, aurten barnategi bat proposatzen düe aste oso batez Aterpian.

Üztailaren 26tik 31a arte, eüskara ikasteko eta bizitzeko parada. 3 talde desberdin dirate ordüan ez da eüskara heiñ berezirik galteginik.

Programa aldetik : goizan kurtsoak, arrestitan atelierrak eüskara baliatzeko eta arratsez animazioak edo elkaldiak Mauleko gaüko merkatüan edo Atarratzeko ekopiknikan.

Izena emaiteko permanentziak zabalik dira. Gaü eskolako egoitzarat hüllantzen ahal zide üztailaren 23 arte goizan 10tarik 12ak30 eta arrestiez 15ak30tarik 19ak arte.

: Hezkuntza; 2021 Abuztua 01; Agerraldiak: 1433

Mündü osoko ikasleak xiberotarra ikasteko jinik!

Australiatik, Parisetik, hegoaldetik bai eta xiberotik jinik, aste oso batez algarrekin egon dira 30 bat ikasle.

Ligiko Aterpia etxean barnategia antolatü ahal izan düe aurten xiberoko gaü eskolakoek. Harat hüllantü gira arrestiri batez esku lanetan ari zirelarik :

: Hezkuntza; 2021 Ekaina 17; Agerraldiak: 1378

Imertsione sistemaren alde, eskolak oküpatüko dütüe !

Idauze-Mendi, Larraine, Ortzaize eta Aiherrako eskolak aldizka oküpatüko dütüe üdako bakantzetarat arte.

Idauzetik hasirik, aldizka oküpatüko dütüe ordüan eskolak. Galtatzen düe dagün setemez imertsionea plantatürik izan dadin beren eskoletan.

Molac legearen kontre bozkatzearekin, igan maiatzean konstitüzione batzordeak erabaki züan eskoletan eüskarazko imertsionea Frantziar konstitüzionearen kontre bazoala.

Aste hontan gehitü dü, imertsionea eskola püblikoentako baizik ez zatekeala legez kanpo.

Idauzerat izan gira: horrat hüillantü ziren haütetsi, aitetama, aitetama ohi... rekin mintzatü gira: