- Hezkuntza
- Agerraldiak: 2922
LARPS ikasetxeko borta zabalak
Laborantsa, soziala ala komerzioa, hiru sailetan eskentzen dütü formakuntza Berrogaineko-Larüntzeko Laborantsa lizeoak. Lizeoa eta hiru sail horien ezagützeko, borta zabalak egiten dira LARPS ikasetxean martxoaren 24an neskenegünarekin. Laborantsa, kabale salmenta eta jenteer zerbütxüa sailetan baxoak prestatzen ahal dira kolegiotik landa. Lehenago ere sar daiteke 4.tik landa, kolegio mailako azken bi urteen egiteko, gero hiru sailen artean formakuntza eta ikasketaren jarraikitzeko. Ate zabaletan, erakasle eta ikasleak hor dirate ait'ama eta ikasleen galto güzier erantzüteko.
Entzün Christophe Gaget LARPS ikasetxeko züzendaria :
« Ikastola Bai » izen emaite kanpaina abiatzen da martxoaren 11an Aloze eta Sohütako ikastoleetan, Borta zabalak eginen beitira. Beren haurrer eüskarazko erakaskuntza eskentü nahi düenentako, aitetama berriak kümit dira egoitzen bijitatzera, erakasleekin mintzatzera jakiteko nolako erakaskuntza eskentzen den ikastoleetan eta ikusteko zer baldintzetan eskolatürik diren haurrak. Honen kari, Ikastolako ardüradünek eskolaren ibilmoldea jakinaraziko düe. Martxoaren 10ean Aloze eta Sohütako ikastoletan Borta Zabalak dirate goizanko 10tarik egüerditara.
46 erakasle postü eta 18 ikasgela zerratüko direla jakinarazi dü Akademiako Ikuskaritzak barantailaren 18ean Pauen. Akademiako Inspekzioneak honartü dü hala ere, Urdiñarbeko eskolako postü erdiaren etxekitzea. Haatik, Montori, Maule-Gainea eta Barkoxeko eskoleetan postü elkitzeak berretsirik izan dira. Oporrak izanik ere, mobilizatürik egoiteko deia zabaltü dü FCPE etxekoen alkarteak.
«Beharrietarik Ahoalat» lema pean ikasurteko bigerren sartzea eginen dü Xiberoko Gaü Eskolak dagün martxoaren 5ean. Eüskara entelegatzen bena mintzatzera ausartzen ez direner hersatzen dira kursoak. Gaüzak behar bezala antolatzeko gisan, bilküra eginen da barantailaren 29an 18.30etan Gaü Eskolan. Lehen kursoa martxoaren 5an eskentüko da. Artean, xehetarzün güzien ükeiteko edo izenen emaiteko 05.59.19 18.44 zenbakiala deitzen ahal da.
Mobilizatürik dira Barkoxe, Montori, Urdiñarbe, eta Maule Gaineko eskoleetako etxenkoak eta denak eskola oküpatzen ari dira. Goiz hontan sartü dira mogimentüan Maule Gainekoak. Lehenik ez düe ützi erakaslea gelan sartzen eta elebidün saileko ikasleak ez dütüe ützi Peko Eskolara jaixtea euskarazko kurtsoaren jarraikitzeko. Maule Gaineko eskolatik Frantsesezko erakasle postü erdi bat elki nahi dü hezkunde nazionalak, Argia kolegioan ezarteko. Etxenkoek ez düe hori honartzen beren ustez erakaskuntza gibel ari beita. Berant bada berant Herriko Etxearen süstengüa üken düe. Astearte gaüan Oloruen bildüko dira ikuskariarekin. Urdiñarbe eta Muskildiko eskolako etxenkoek aldiz, kümitatzen dütüe bi herrietako jente güziak, astelehen arrestitan 16etan eskolan eginen den alkarretaratzean parte hartzera eta süstengüaren ekartzera, tenore hortan ikuskaria agertüko beita.