XÜXENEAN ENTZÜN

Hezkuntza

Kolegio eta lizeoetako sartzearen ützülia egiten dügü aste hontan, eta egün Atharratzeko kolegioa dükegü aipagei. Iragan ikasurteko bilan baikorra egiten dü kolegioko züzendariak, ikasle güziek Brevet-a üken beitüe eta audela hirugerreneko ikasle bakotxak haütatü züan bidetik jarraiki beitü ikasurte berria.
Kolegioan xedeak plantan ezarten dütüe ikasleen interesa pizteko, hala nola Pasaiarat bijita egitera joaitea, antzerki xede bat aurten berritüko dena, Frantziako bizikleta ützüliaz eraman lan bat eta beste… Aurten ere xede zonbaitek segida ükenen düe, eta berri zonbait ere agertüko.
Jean-Charles Fernandez kolegioko züzendaria :

Xiberoko müsika eskola osagarri honean da. Bai sosen aldetik 300 euroko emaitza baikorrarekin ürrentzen beitüe urtea, eta 90 ikasle beitütüe aurtenko, hots igaran urtean bezala.
Halere eskola erritmoaren gatik azken urteetan ikasle galtze bat izan zen. Beste müsika eskoleetan zer egiten den so egiten düe, eta hortarik jin da formüla berri baten ideia. 7 urteko haurrek lau müsika tresna enseatzen ahal düe beren deliberoa hartü gabe ondoko urtearentako. Izenak jadanik hartürik dira , bena orano ikusten ahal da lekürik batzen direnez müsika eskolarat hullantzez.

Soazik Pineau:

Aurtenko master class izeneko baxoko saila sortüko da. Baxoa igaiten düen xiberotar gazte oroek parada ükenen düe xiberotar dantzan barnatzeko eta hortaz sorkuntza baten egiteko.
Xiberoko lau lizeoetan ikasleek sartzea hasi ondoan beren izena eman beharko düe.
Asteazken gaüan, kurtxoetarik kampo eginik dirateke dantza kurtxo horiek.
Xehetarzünak Johañe Etchebestek erakaslearekin:

Iragan urteko ber ikasle heinearekin egin da sartzea, Berogaine-Larrüntzeko laborantza lizeoan. 340 bat ikasle kontatü dira sartze egünean, horietarik 270 bat barnetegian egonen direlarik.
Laborantza saila ttipi egoiten bada ere, 12 ziren baxo profezionalaren bigarrenean, orotara 50 bat direlarik sail hortan.
Iragan urtean hasi ziren lanak ürrentzekotan dira eta irakaskuntzaren aldetik kanbiamen gütti bada.
Horien artean Xiberoko dantzen ikasteko ikastetxe hortan ere “Master Class” delakoa zabaltüko dela eta azkenik eta agian inportanteena, eüskara irakatsirik datekeala lehentze lizeo hortan.
Sartzea aipatü dügü Christophe Gaget züzendariarekin :

Herriko etxe eüskaldünak biltzen dütüan Udalbiltzak,   Gipuzkoako Oiarzüneko ikastola eta Xiberoko ikastolen artean hitzarmen bat izenpetü dü. “Elkarrekin Eüskal Herria” lemarekin alkar lan bat eramanen da hiru ikastolen artean. Alozeko (Basabürüa ikastola), Sohütako (Eperra ikastola) eta Oiarzüneko (Haurtzaro ikastola), hiru ikastolen artean eramanen dira xedeak algar ezagützeko haurren eta etxekoen artean. Ikastolen artean, bi lürraldetako geografia, historia, kültüra eta prodükto lokalak  ezagütarraziko dira, hala nola Xiberoko prodüktoekin egünaldi bat antolatüko da Oiarzünen. Bestalde, hiru ikastolen artean kirol saileko leiaketak ere antolatüko dira. Udalbiltzak, sei mila euroeko sos lagüntza emaiten dü Xiberoko ikastoleer proiektoaren lagüntzeko.
Anne Marie Errequet :