XÜXENEAN ENTZÜN

Hezkuntza

Erakaskuntza elebidünaren Jardünaldiak iraganen dira, ürrietaren 26,27 eta 28an, neskenegünetik asteleheneala Donibane Lohitzüne eta Maulen. Frantziako eskualde ezbardinetako 100 bat ordezkari egükirik dira, FLAREP edo Erakaskuntza Püblikoan Eskualdeetako Hizkuntzen aldeko Federakuntzaren biltzar nausian parte hartzeko eta hiru egünez erakaskuntza elebidünaren erronken aipatzeko. 
Michel Esteban Ikas-Biko permanentea :

Borta zabalak eginen dütü ürrietaren 22an asteartearekin Biribil egitürak. Bere zerbütxüak Mauleko Talika haurzaintegian eskeintzen dütü. Departamentüko Konseilü Orokorraren zerbütxü hori, batzarri egiten dütü sei urtez petikako haurreri baita beren etxenkoeri, helbürüa delarik familien bakartarzünaren haustea. Hortarako animazioneak proposatzen dütüe Biribil egitürako bi animatzaileek.
Sylvaine Coustau Biribil-eko animatzaile :

 

Gau eskola arrabiatzen da. Üdako ikastaldiak ürrentürik arrakasta eder batekin, sartzea prestatzen ari dira gau eskolako kideak. 50 bat ikasleen haidürü dira, jakitez astea batzen dela nahiantentako beren izenaren emaiteko. Manerala aurten gazte hanitx badateke, erdia beno haboro, eta audela gehienak Xiberotarrak dira. Hori da egiazko berrikuntza. Menturaz Eüskararen beresküalatzeko beharraren kontzentzia pizten ari da, edo hüilantzeko ahalkea desagertarazten. Erakasleen aldetik, langile berri bat hartürik izan da bena lagüntzale baten eskasa agertzen da, ostegünetako kurtsoen emaiteko.
Beñat Espil Gaü eskolako erakaslea :


Heben klixka sartzeko kliparen ikusteko.

Argazkia : Laurentx Etchegoin.Domesantoreko bakantzetarik landa, Azaroaren 4ean, Arrokiaga, Ospitalepea, eta Sohütako 80 ikasle gazteak, Sohütako Gaztelaia eskola berrian sartüko dira. Eskolaren 1000 metra karratüetan, 6 klase gela, kirol gela, jantokia, komitateak eta kanpoko aterbea edireiten dira. Eraikina, konsümo aphaleko normetan egin da eta egürrarekin berotüko da. Millioi bat eta sei ehün mila euro kosteko dü herriari. Eskolaren barne antolaketa, dagün astetik harat eginen da eta azaro ürrentzean, bijita egünaldi bat antolatüko da herritarentzat.
Sylvain Heguiaphal Sohütako haütetsia :


Bi argazkia haboro ikusteko klixka "haboro irakurri".

Urte hatsarreaz geroztik barreiatürik ibili ondoren, ikasurte hontako sartzean, Sohütako lizeoa bere mürrüetan ützüli da. Orhoitzen gira 2012ko abentüan, lizeoa hüstürik izan zela, hegatza erortzeko arrixkütan zelako.. Ikasleak Irabarneko gaztelüan eta Xanpo lizeoan banatürik izan ziren. Bi güne horietan ürrentü züen ikasurtea. Üdüriala egoera berezi honek ez dü ondoriorik üken emaitzetan, üsatü bezala azterketetan ikasleek ehüneko 96eko kausitze lortü beidüe. Beraz sei mila metra karratü egiten düan hegatza, arraberritürik izan da bost hilabetez. Ofiziale eta lizeoko langileen inplikazioari esker, 365 ikasleentzat sartzea normaltarzünez iragan da. Baldintza hoberenetan hasten dira Sohütako lizeoan eta erran behar da ere aurten ikasleek bilgüne berri bat ükenen düala, beren gustüko aktibitateen garatzeko. Nafarroako dozena bat ikasleek ere, ikasurtea Sohütako lizeoan iraganen düe, Frantsesa hobetzeko asmoz.
Entzün Dutin anderea lizeoko züzendari lagün :