Denboro ederrarekin, jenteak saldoan jin dira Santa Grazira, apirilaren 13an igaran den Haur Kantu Txapelketako Xiberoko erdi-finalala. Aurten orano, HKTak arrakasta bildü dü 27 talde, 160 kantariek parte hartü düe. Talde handienak Xiberoko eskolak ziren, Arbailletik, Pettaretik eta Basabürütik jinik. Kantore haboroxenak ezagünak ziren "A Capellaz" kantatürik. Lau sorkuntza ere entzün ahal izan dira Muskildi, Aloze eta Sohütako eskolen partetik. Epai mahaina Xibero Gaineko kantari gazteak ziren : Ihitz Iriart « Amaren alabak » taldekoa, Johañe Etxebarne Ajia « Xiberotarrak » taldekoa , Kattin Intxauspe « Izarrak » taldekoa eta Alexia Aytaberro Santa-Grazikoa. Hona epai mahainak, finalala joaiteko haütatü dütüan kantariak, bederazkan Cédric Elgoyhen Santaraztarra, biazkan Sohütako Ikastolatik Oihana Urruty eta Ana Iraola, taldekan Muskildiko eskola, püblikoen saria Larraineko  Errege Txopitak taldeari joan da. Arramaiatzaren 16an Nafarroan igaranen den Haur Kantu Txapelketako finala joanen dira 4 talde horik.

Entzün irabazle zonbaiten lekükotarzünak : 

"Bertsularitzan gei emaileen lanaz edo kargüaz" mintzaldi bat antolatzen dü KOBLAKA alkarteak apirilaren 12an gaüko 20.00tan Hebentik-enean Maulen. Biharamenean, Urdiñarben Bil Xokoan, bertso afaria eginen da "Lehiaka" bertso eskolen arteko algar kürütxatzea, Baiona eta Xiberoko bertso eskolen artean. Aihariarentako, deit 06.03.60.45.71an. Bestalde, KOBLAKA alkarteak diska-libürü bat plazaratüko dü Louis Ligueix xiberotar koblakari zenaz. Hanitx Xiberotar alkarlan bat da, informazione güziak Jüje Etxebarne eta Beñat Sarasolak bildü dütüe eta kantari andana batek parte hartü düe kantoreen grabaketan. Louis Ligueix 1901an sortü zen Larrainen, Zihigan ezkontü, laboraria izanik eta gazterik zentü 1939an. Ligueix koblakaria ezagützaren egiteko eta orhitzapenen etxekitzeko, lan eder bat 2013an plazaratüko dena.

Entzün Ramuntxo Christy "KOBLAKA" Xiberoko koblakarien alkarteko bürüa : 

2013ko Haur Kantu Txapelketako Xiberoko final-erdia apirilaren 13an Santa-Grazin iraganen da. Xiberoan parte hartze hona izanen da 140 haur. Aurten, eskolek baikorki erantzün düe deiari, orotarat 27 kantore emanen dira, haboroenak « A Capella » Xiberoko üsantxa jarraikiz. Lehen botzak arrestiriko 15.00tarik harat entzünen dira Santa-Graziko herriko salan. Lapurdiko final-erdia aldiz, apirilaren 14an iraganen da Baionako antzokian. Prefosta, hor parte hartzea handiago izanen da 39 kantore eta goizanko 10.00tan hasiko da. Berantxago, Baxe Nafarroako final erdia maiatzaren 5ean Armendaritzen iraganen da eta finala arramaiatzaren 16an Nafarroako Burlata herrian, Iruina kantüan.

Entzün Artzen Letona Xiberoko Haur Kantu Txapelketa presentatzen : 

Xiberoko dantzaren geroaz, gogozkan ari dira "Aintzindariak" alkartekoak. Haurrak dantza eskoletarat hüilantzen badira, arrenkürak berantxago heltzen dira, dantzariak aintzindari bilakatzen direnean, gaztek beste lehentarzün zonbait ezarten beitüe. Hori bürüz ihardesteko, gogoeta ezberdinak eraman dütü "Aintzindariak". Aurten, arrapostü zonbaiten ükeitea esperantxa dü "Müsikaren Egüna" kari antolatürik den dantza eztabadan. Bestalde, ürrietan Dantza Egüna antolatü gei düe Eskiulan, Xiberoko aitzindarien artean alkar ezagüt ditian. Bestalde, Idauze-Mendiko gaztek, besteen kari antolatü nahi düen "Xiberoko dantzaren besta" baikor ikusten dü "Aitzindariak". Azkenik, urte oroztako Dantzari ttiki maiatzaren 5an Baionan iraganen da. Azkenik, beste probintzietako dantza zonbaiten ikastea proposatürik izan da, beste probintzietako haurrekin nahas ditian xiberotar dantzariak.

Entzün Aines Aguergaray Aitzindariak alkarteko lehendakaria :