Berehün bat haur eta gazteek parte hartüko düe Eüskal Herriko Haur Kantü txapelketako Xiberoko kanporaketan. Kantaldia neskenegün hontan arrestiriko 15:00etan iraganen da Urdiñarben Müsikaren Egüna kültür ekimenaren baitan. Parte hartzearen aldetik arrakasta ez da aphaltzen, hogei ta hamasei kantore emanen dira, iragan aldian beno hamar haboro. A Capella emanen dira kantore haborosenak Xiberoan ohi den bezala, bi kantore baizik ez beidirate musika tresnaz lagüntürik.
Artzen Letona antolatzailea :

Maskaraden sasoina etsiko da neskenegün hontan Idauze-Mendin. Negüan ontsa gozatü ondoan Xiberoko herri ezbardinetan, maskaradetako aktürrak azkentze jüntatüko dira, barrikada haustea eta beren ikusgarrian emaiteko. Goizeko 09:30etan abiatüko dira barrikadak, eta üsatü bezala arrestiriko 16:00etan date emanaldia. Ondotik pastex eta edateko badateke. Eta zalegi iragan beitzaie maskarada horiek azken bat emanik izaten ahal litaike Baionan…
Cédric Samalbide :

Kantorea date ohoratürik Urdiñarbeko Bil Xokoa alkarteak antolatzen düan 26. Müsikaren Egüna kültür ekitaldian. Maiatzaren 22tik 24eala, hiru egünez , kontzertüak, eztabadak , erakusketak, antzerkiak eta haurren emanaldiak izanen dira. Neskenegünean goizeko 10:30etan kantorearen leküa egünko jentartean eztabadatüko da eta arrestiritan 15:00etan Eüskal Herriko Haur Kantü Txapelketako Xiberoko kanporaketa iraganen da. Igantearekin kontzertüak 15 :30etan hasiko dira, Irazoki eta lagünak, Tapia eta leturia, Kaotiko, Greziako Acropolis bye bye, eta ürrentzeko Lyon-eko Al’tarba /dj nixon.
Jean Jacques, Joana eta Ddiddue Etxeberri :

Kantaldi eder bat proposatzen deikü Pagolako Oxkaxe Zola alkarteak apirilaren 18an neskenegünarekin gaüko 20.30etarik harat elizan. Berzaitz anaiak, Lümendi taldea, Kolore bikotea, Pil Pil taldea, eta Basajaunak otsotea ariko dira kantan eta ondotik ogiartekoak eta edatekoak badirateke. Oxkaxe Zola alkartea sortü da 2019an Pagolan eginen  den pastoral xedearen eramaiteko. Aurten dantza eskola abiarazi nahi dü eta berantago kantorearena. Aktibitate horien dirustatzeko eta herritarrak oraidanik biribilkatzeko pastoral xedearen üngürüan, animazio ezbardinen antolatüko dütü Oxkaxe Zola alkarteak eta neskenegün hontakoa lehena dateke.
Frantxoa Caset alkarteko kidea :