"SUA" filma Mauleko Zinka ostatüan hedatürik izanen da urtarilaren 26an. Filma hori XVII. mentean igaraiten da De Lancre famatüaren denboran. Inkisizioaz jadanik, pastoral bat ikusi ahal izan da Xiberoan Alozeko herrian eta historia gustatü bazaizüe, filma segür ere gustüko dükezüe. Filma hau jente hanitxekin Eüskal-Herriko herri ezberdinetan filmatürik izan da Billabonatik Maule arte eta hala hedatürik izanen da güne ezberdinetan. "SUA" filmaren egilea Maulen dateke galto zonbaiter ihardesteko, ondotik, filmatik landa kontzertü bat izanen da Baionako "Atxik" taldearekin.

Entzün Unai Igartoa "SUA" filmaren egilea : 

Heriotza, maitarzüna mitoak eta zatirra. Horik dira agertzen, Txomin Peillenek eta Eüskaltzaindiak Maulen aurkeztü düen «  Jon Mirande, olerkiak » libürüan. Jon Mirande jente berezia düdarik gabe. Lehenik, bürütik eri, bipolaire deitzen diren horietarik, Nazietarik hüilan, bena homosexualen defendazale, eüskarazko lehen idatz pornografikoen egile, herioa bereartan present eta satirra, bere bürü eta jentarte konformistaren trüfazale. Bere poesiaren estiloaren lantzeko, eüskal kantüan bermatü da, bere ekarpen handiena izan da, eüskararen eliza idatzietarik elkitzea eta beste geietara eramaitea. Horrengatik da, lehen eüskal idazle modernoa deitzen. « Jon Mirande, olerkaria » eüskaraz eta frantzesez kausitzen da. Miranden olerkiez gain, Txomin Peillenen oharrak ere badira.

Entzün Txomin Peillen «Jon Mirande, olerkaria» libürüaren idazlea : 

Xiberoko Dantzaren Historia eta dantza erakasleetaz mintzaldi bat eskentüko dü Jon Iruretagoyena dantzari eta koregrafoak. Mauleko Herriko-Etxeko Kütür batzordeak dü antolatzen eta mintzaldia Idauze-Mendiko herriko salan eginen da. Jon Iruretagoyenak lan bat eraman dü Xiberoko dantzetaz eta  dantza erakasleen ekarpena ikertü dü. Hots, armadan lüzaz egon ziren xiberotar zonbait dantza erakasleak izan ziren eta horrek ondorioak üken dütüala erakutsiko dü mintzaldian. Argazkiak ere bai erakutsiki dütü eta Xiberoko dantzen ürrats zonbait emanen. Mintzaldia urtarilaren 26an gaüko 21.00tan Idauze-Mendiko gelan.

Entzün Jon Iruretagoyena dantzari ikerlaria eta koregrafoa : 

Jon Miranderi omenaldi bat eginen zaio Mauleko Herriko Etxean urtarilaren 19an goizanko 10tan. Eüskaltzaindiak eta Mauleko Herriko-Etxeko kültüra sailak Txomin Peillen xiberotar eüskaltzaina kümitatzen düe. Honek, Jon Mirande omenaldiaren kari, xiberotar idazleaz egin düan izkiribañoaz mintzatüko da. Txomin Peillen batean dirate Andres Urrutia euskaltzain bürüa, Pablo Jose Aristorena eta Christian Angelie-Mirande Jon Miranderen iloba. Omenaldi hontan parte hartüko düe horik oro eta partikülarazki Txomin Peillen libürü izkiribazalea. Bere denborako polemikak eta anekdota sortü zütüan Jon Mirandez haboro jakiteko hüllant zite Maulerat omenaldi hortarat.

Entzün Txomin Peillen Eüskalzaina eta Jon Mirande libürüaren izkiribazalea :