XÜXENEAN ENTZÜN

Kirola

Pausaz baliatü dira errügbiko biltzar nausiaren egiteko!

Barkoxeko errügbi taldearen biltzar nausian ez dira lüzatü iragan urteko sasu txarraz, « Barkoxek behar dü ikasi berriz irabazten », hau izan da mezü nausia eta hori da lehentarzüna ! Federal 3tik jaisten da lehen ekipa eta multxo berri batetan ariko da , Akitaniako ligan, "Honneur" mailan . 45 jokülari ziren iragan sasuan eta 10 bat gazte juntatüko zaitze aurten, iragan urteko trebazaileek jarraikiko düelarik : Sébastien Lopez eta Patricq Chabalgoityk. Bestalde, bilan hona egiten da, gazteetan, Maule eta Mendikotaren arteko bateratzeaz. Izigarri ontsa ebili da ; partidak izan dira zelai güzietan eta horrek esperantxa honak emaiten dütü geroarentako. Michel Ladousse lehendakariak üzten dü bere kargüa, ondoko egünetan beste lehendakari bat haütatü behar düe. Txapelketa abiatzen da seteme hatsarrean eta trebaketak aldiz üztailaren 14 etik landa. Francis Baranthol bülegoko kidea :

Pusa Maule-k Xibero osoa pusatzen dü!

Pusa maule, errugbiaren sustengü taldeak urtearen bilan baikorra egin dü biltzar nausian. Formakuntza aldetik Barkoxe eta Mendikotarekilako botitzea lagüntzen jarraikiko düe, izan material aldetik ala beste. Animazio aldetik egin dütüen apaidü ala autobusek arrakasta üken düe, haatik dagün urtean partida denborako giroa haboro piztea esiatüko düe. Régis Claverie :

Laida Pilota

Donapaleuko Airetik sala betea zen neskenegün arratxan Laida pilota ikusgarrian,700 ehün bat ziren eta gozatu dira, pilotari eginik izan zaion omenaldi ederrarekin. Indar azkarra eman dioe parte hartu duen , Landarbasoko abesbatza, Xabier eta Aner Euskize eren bertsuek eta ere koldo ameystoy en ipuinak ; eta nolaz ez aipa dantzariak, xiberotarrak eta Oinkari taldekoak ! Laida pilota ikusgarria emanen da Senperen uztaila 12 eta 13 an, Hazparnen setemearen 15 an eta larrazken hontan Miarritzen eta Hendaian .



SAM mauleko errugbiak bilan hona!

Mauleko SAM errugbi taldeak urteko bilan hona plazarratu du, ez balinbada txapelik ekarri ere ! Lehen ekipa, federal 2 an 3 gerren urhentu du sasoa; 2 gerren ekipak, saso ezinago hona egin ondoan, finalan galdu du eta gaztetan, belascain ek finala ere galdu due ! Bestalde, lehen urtea zen Barkoxe ta Mendikotarekin bateratzea eta bilan ezinago hona egin da. Orai saso berri bat abiatzen da eta lehen ekipan, Jacque Vergez-ek uzten du trebatzea eta Christian Cabanez-ek du ordezkatuko, hau Maulen jokulari eta trebazale izanik da denboran, Philipe Hontas-ekin segurtatuko due lehen ekiparen trebatzea. Derbi franko badate Biarnes eta euskaldunekin, Aramitze, Orteze ,Hagetmau,Hendaia edo ere Hazparne.

2018ko Xiberoko txapelgoaren edizionea abiatü da

Iragan igantean hasirik da 2018ko arrabotüko Xiberoko Eskü Hüska txapelgoa, Bildozeko plazan eta setemearen 16ala iraunen dü. Lehen eta bigerren maila, gei Goi maila, hiru heinetan jokatüko da txapelgoa. Goi mailan üsatü bezala, Latxere, Lafitte, Elissiry, Heguiaphal Queheille edo Iroume, ekipakal Xiberotar bat ariko da, Lapurdi edo Baxenabarreko pilotakari batekin. Antton Amulet, Julien Arbeletxe, Thierry Harismendi edo Cédric Lucu besteak beste ariko dira aurten. Hamabi plazetan jokatüko da aurtenkoa:,Santagrazi, Ainharbe, Hauze, Larraine, Maule Gaine, Barkoxe eta Ligi. Beste urtez bezala, final erdiak Garindaine eta Muskildin jokatüko dira eta finala Urdiñarben dateke setemearen 16an. Xehetarzünak Xabi Elgartekin:

Ausaz

Kronika

Emankizüna

Artxiboan