XÜXENEAN ENTZÜN

Kirola

Mauleko Rugby taldea, sasoi berriari so da.

Rugby sasoi berria prestatzen ari da Mauleko SAM Rugby taldeak. Astean kurtsean hiru trebatze egiten dütüe üztailatik eta txapelgoaren lehen egünaldiko Hazparne errezebitü aitzin, adixkidantzako partida bat jokatüko dü Hernanin eta prestakuntza egünaldi bat eginen dü. Bi sasoin artean jokolari gütti joan da, Kevin Chütahandy Aramitzera eta Joël Garikoitz Donibane Lohitzünera. Sartzeetan, Reichel artekoen taldetik, gazte andana batek gehitüen taldea azkartüko dü, Remi Laplace-Claverie ützültzen da, Romain Caballero Miarritzeko Espoir taldeko kapitain zena 3. Lerroa ere horra da, Ismael Lorentzo Orthezeko 2. Lerroa ere, eta azkenik Jacques Vergez aitzinekoen trebazailearen ordez, Maulen denboran ari izan zen Christian Tabanez ariko da. Multxoko beste taldeak, eskualdekoak dirateke, Girondatik, Floirac, Lormont eta Salles, Landesetatik, St-Paul les Dax, Peyrhorade, Hagetmau eta Bokale, Biarnotik, Ortheze eta Aramitze eta Euskal Herritik, Hazparne eta Hendaia. Txapelgoa beraz setemearen 8an hasiko da, Marius Rodrigo zelaian Hazparneren kontra. Henri Etcheverry :

Atarratzeko Zibero Sports sartzearen bidean.

Kirol talde ezbadinetan sasoi berria prestatzen ari dira. Atarratzeko Zibero Sports eskü baloi taldeak ere hortan da. Egün horietan adin eta mail güzietako taldeek trebatzeak hasiko dütüe. Gizonen lehen taldeak Nationale 2an jarraikitzen dü. Kanbiamen gütti izanen da jokolarien aldetik. Trebazaileen aldetik aldiz kanbiamenak badira. Mathieu Tauzin eta Franck Erreçarret beren kargüa ützirik, Joimo Arhancet-ek eta Baptiste Etchandy-k lekükoa hartü düe. Emazteen lehen taldean aldiz, Denise Challa lagüntüko dü Xantiana Etxebest-ek. Joimo Arhancet :

Bielle eta Ducassou jaun eta jabe Larrainen

Bielle eta Ducassou nausitü dira igantean Larrainen Betzüla 15. Trofeoaren finalean, Bilbao eta Waltary-ren eretzean 40 eta 32. Emaitzan ezbalin bada hain garbi agertzen ere, Bielle-k eta Ducassou-k ez düe bürü hauste handirik üken finalaren irabazteko. Partida osoa aitzinean egin düe, beti sei eta hamar tantoen abantzia ükenez. Battitta Ducassou :


Didier Berazategi antolatzailea :

Afrikan ere pilota bizi dadin

Maiatzaren 31tik arramaitzaren 23ala Frantziaren gaindi, oinez zortzi ehün eta hogei kilometro egin ondorren, Mauleko plazan ziren « Avenir Jeunesse Guinée » alkarteko kideak, espartinen saltzeko. Entzüna zünüen segür Xiberoko Botza hontan, « Sur la route des trois Etche » gertakariaz egin günüan aipamena. Iragan urtean sei mila kilometro egin zütüen bizikletaz, espartinen saltzeko eta beren xedearen berri emaiteko. Alkarte honen xedea da, Guinée Conakry herrian, arrabotü bat eta osagarri zentro baten eraikitzea. Hortarako berhogei eta hamar mila euro bildü behar dütüe. Jadanik hogei eta bost milatan dira. Beñat Cazenave xede eramaileak esperantxa dü oroen biltzea heltüko direla urte ondarreko eta eraikitze lanak dagün urte hatsarrean hasiko direla. Anartean lagüngoak emaiten ahal dira, lestroisetche.events internet günean . Beñat Cazenave :

Betzüla 15. trofeoa Larrainen pilotari hoberenekin.

Larrainen, Betzüla 15. Trofeoa jokatüko da agorrilaren 17an eta 19an. Elite Pro mailako zortzi pilotari lehiatüko dira. Ostirale gaüan 20etarik harat, lehen final erdian Bielle eta Ducassou, Etxegarai eta Guichandut-en kontre ariko dira. Ondotik bigerren final erdian, Larralde eta Ximun Lambert, iragan urteko irabazleak, Waltary eta Bilbao-en kontre ariko dira. Finala, igante goizan 11 orenetan jokatüko da. Leküen etxekitzeko Larraineko Herriko etxeala deitzen ahal da, 05 59 28 62 80 telefono zenbakia eginez. Johaña Accoceberri :

Ausaz

Kronika

Emankizüna

Artxiboan