XÜXENEAN ENTZÜN

Kirola

Agorrilan, Zesta Punta partiden ikusteko parada Maulen.

Agorrila hilabete hontan, Mauleko SAM pilota batarzünak, Zesta Punta partiden ikusteko parada lüzatzen deikü. Lehen hitzordüa ostirale hontan dügü Jaï-alaïean. Gaüko 21etarik harat, Ipar Amerikan egiten den bezala « Quinielas » apustu edo parioekin eginen dira gaüaldi berezi hortan. Sarri franko irabazten ahalko dira, hala nola Iratin aste ondar bat eta jakin ezazüe sartzea dohainik dateleala. Agorrilaren 17 eta 24ean Maule Hiriko lehiakaren finalerdiak jokatüko dira. Gaüko 21etan Esperantza mailako lehiaka iraganen da eta ondotik profezionalen aldi dateke. Aurten, Tambourindeguy, Urtasun, Ithurria, Minvielle, Amigorena, Arbe, Ithurbide eta Bailo pilotakariek parte hartüko düe. Finalak agorrilaren 31an jokatüko dira. Jackie Eyherregaray :

Goar Lopetegui Gipuzkoarra nausi Xiberoan

Gipuzkoako Ibarrako Goar Lopeteguik irabazi dü Xibero Trail 4. edizionearen 42 kilometrako lasterka Larrainen. Emazteen sailan, alkarrekin heldü dira lehen Maude Combarieu eta Séverine Duhalde. 15 kilometroko lasterka aldiz Nicolas Apiou Biarnesak dü irabazi, lehen emaztea Audrey Carrère izan da. Orotara kasik 700 parte hartzaile lasterkatü dira Larraine üngürüko bortüetan. Goar Lopetegui :


Johañe Etchebarne :

Pantxika Ouret :

Hervé Amestoy antolatzailea :

Trail edo mendi tinietako lasterkaldiak egitea ez bada aija, espartinez egitea orano gütiago !

Alta Nicolas Duplàa-k hori egin dü. Ezpeletako mendi tinietako lasterka bazen, eta erran bezala Nicolas Duplaà-k espartinekin egin dütü ostiral gaü eta neskenegüneko bi lasterkaldiak. Haren balentriaren berri ükenik Tolosako beste lasterkari batek ere espartin pare bat erosi züan. Salbü haren parea ez beitzen esküz eginik, ez dü etxeki. Xiberotarraren pareak haatik etxeki dü bi lasterkaldientako. Nicolas Duplàa :

Xibero Trail arra horra

Xibero Trail Oltzarte-Orhi lasterkan parte hartzeko izen emaiteak abiaturik da. Lasterka agorrilaren 4an iraganen da, iragan urteko ber ebilbidean. Xehetarzün haboro hen webgunean heben, edo ere izenaren emaiteko heben. Xehetarzunak Hervé Amestoy Larraintarrarekin :

Pausaz baliatü dira errügbiko biltzar nausiaren egiteko!

Barkoxeko errügbi taldearen biltzar nausian ez dira lüzatü iragan urteko sasu txarraz, « Barkoxek behar dü ikasi berriz irabazten », hau izan da mezü nausia eta hori da lehentarzüna ! Federal 3tik jaisten da lehen ekipa eta multxo berri batetan ariko da , Akitaniako ligan, "Honneur" mailan . 45 jokülari ziren iragan sasuan eta 10 bat gazte juntatüko zaitze aurten, iragan urteko trebazaileek jarraikiko düelarik : Sébastien Lopez eta Patricq Chabalgoityk. Bestalde, bilan hona egiten da, gazteetan, Maule eta Mendikotaren arteko bateratzeaz. Izigarri ontsa ebili da ; partidak izan dira zelai güzietan eta horrek esperantxa honak emaiten dütü geroarentako. Michel Ladousse lehendakariak üzten dü bere kargüa, ondoko egünetan beste lehendakari bat haütatü behar düe. Txapelketa abiatzen da seteme hatsarrean eta trebaketak aldiz üztailaren 14 etik landa. Francis Baranthol bülegoko kidea :

Ausaz

Kronika

Emankizüna

Artxiboan