XÜXENEAN ENTZÜN

Kirola

Afrikan ere pilota bizi dadin

Maiatzaren 31tik arramaitzaren 23ala Frantziaren gaindi, oinez zortzi ehün eta hogei kilometro egin ondorren, Mauleko plazan ziren « Avenir Jeunesse Guinée » alkarteko kideak, espartinen saltzeko. Entzüna zünüen segür Xiberoko Botza hontan, « Sur la route des trois Etche » gertakariaz egin günüan aipamena. Iragan urtean sei mila kilometro egin zütüen bizikletaz, espartinen saltzeko eta beren xedearen berri emaiteko. Alkarte honen xedea da, Guinée Conakry herrian, arrabotü bat eta osagarri zentro baten eraikitzea. Hortarako berhogei eta hamar mila euro bildü behar dütüe. Jadanik hogei eta bost milatan dira. Beñat Cazenave xede eramaileak esperantxa dü oroen biltzea heltüko direla urte ondarreko eta eraikitze lanak dagün urte hatsarrean hasiko direla. Anartean lagüngoak emaiten ahal dira, lestroisetche.events internet günean . Beñat Cazenave :

Bielle eta Ducassou jaun eta jabe Larrainen

Bielle eta Ducassou nausitü dira igantean Larrainen Betzüla 15. Trofeoaren finalean, Bilbao eta Waltary-ren eretzean 40 eta 32. Emaitzan ezbalin bada hain garbi agertzen ere, Bielle-k eta Ducassou-k ez düe bürü hauste handirik üken finalaren irabazteko. Partida osoa aitzinean egin düe, beti sei eta hamar tantoen abantzia ükenez. Battitta Ducassou :


Didier Berazategi antolatzailea :

47. Garindaineko festibala astearte arratsean

Xiberotar kantoria da aitzinean ezari nahi aurten ! 47gerren euskal herriko kantorien festibala astearte arratsean iraganen da Garindaineko trinketean. Eta üsatü bezala hiru probintzietako kantariak jinarazten dütüe. Menditarrak, Mauleko pastorala edo orano Bestela,oroetarik izanen da, eta beti bezala xiberotar gazteen ageraztea eginen da Eta aitzinetik üsatüzko apaidüa proposatürik bada, kantaldiarentako Hitz ordüa garindaineko trinketean asteartean 9tan Xehetarzün haboro Dominique Cazanavekin:

Betzüla 15. trofeoa Larrainen pilotari hoberenekin.

Larrainen, Betzüla 15. Trofeoa jokatüko da agorrilaren 17an eta 19an. Elite Pro mailako zortzi pilotari lehiatüko dira. Ostirale gaüan 20etarik harat, lehen final erdian Bielle eta Ducassou, Etxegarai eta Guichandut-en kontre ariko dira. Ondotik bigerren final erdian, Larralde eta Ximun Lambert, iragan urteko irabazleak, Waltary eta Bilbao-en kontre ariko dira. Finala, igante goizan 11 orenetan jokatüko da. Leküen etxekitzeko Larraineko Herriko etxeala deitzen ahal da, 05 59 28 62 80 telefono zenbakia eginez. Johaña Accoceberri :

Agorrilan, Zesta Punta partiden ikusteko parada Maulen.

Agorrila hilabete hontan, Mauleko SAM pilota batarzünak, Zesta Punta partiden ikusteko parada lüzatzen deikü. Lehen hitzordüa ostirale hontan dügü Jaï-alaïean. Gaüko 21etarik harat, Ipar Amerikan egiten den bezala « Quinielas » apustu edo parioekin eginen dira gaüaldi berezi hortan. Sarri franko irabazten ahalko dira, hala nola Iratin aste ondar bat eta jakin ezazüe sartzea dohainik dateleala. Agorrilaren 17 eta 24ean Maule Hiriko lehiakaren finalerdiak jokatüko dira. Gaüko 21etan Esperantza mailako lehiaka iraganen da eta ondotik profezionalen aldi dateke. Aurten, Tambourindeguy, Urtasun, Ithurria, Minvielle, Amigorena, Arbe, Ithurbide eta Bailo pilotakariek parte hartüko düe. Finalak agorrilaren 31an jokatüko dira. Jackie Eyherregaray :

Ausaz

Kronika

Emankizüna

Artxiboan