Politika

: Politika; 2012 Ekaina 11; Agerraldiak: 3049

Maitia eta Lassalle Legebiltzarreko bozken bigerren ützülian

Laugerren bozka eremüan, Frantxoa Maitia sozialista da lehena elki % 31,99ekin gero Jean Lassalle MODEMkoa %26, 28ekin, hirugerrena Marc Oxibar UMPkoa % 17,63ekin eta laugerren indarra EH BAI koalozioa da %6,80 ekin. Marc Oxibar UMPkoa ezin da bigerren ützülian egon eta hebentik eta ordüala arte, bere alderdiko kide eta Lassallekin mintzatü beharra da, erran beno lehen zer erabakiko düan. Frantxoa Maitiak jadanik, Berde eta Front de Gauche alderdien botzak ontsalaz balinbadütü, estado mailan akordio bat egin dütüenaz gain, Abertzaleen botzen beharra badüke ere. Astelehen hontan berean biltzekoak dira, gei zonbaiten üngürüan solastatzeko. Ikus Xiberoan izan diren botzen emaitzak.

Entzün Frantxoa Maitia sozialista alderdikoa :

Entzün Jean Lassalle depütatü ohia MODEM alderdikoa :

Entzün Marc Oxibar UMP alderdikoa hirugerren leküan dena :

: Politika; 2012 Ekaina 06; Agerraldiak: 2792

Inkesta bat garaio zerbütxü baten plantatzeko

Hüilaneko garaio zerbütxü bat sortzeko asmüz, inkesta bat eginen da Xiberoan. Oto edo gidatzeko baimenik gabe izatez, adinetakoak, gazteak edo langabezian adibidez, nekeziak ezagützen dütüe egün oroztako ürratsetan. Inkestak, jenteen beharrak non eta zoin diren zehaztüko dü eta esküragarri da jadanik Xiberoa Herri Alkargoaren webgünean. Xiberoa Herri Alkargoa da xede eramailea bena Kontseilü Orokorrak, inkestaren fresen % 80a bere gain hartüko dü eta garaio zerbütxüa planta ezarririk izanen delarik, bere ibilmoldearen erdia ere tapatüko dü. Xede eramaileek esperantxa düe xedea 2014an bürütüko dela.

Entzün Arnaud Villeneuve Atharratze kantonamentüko kontseilü orokorra :

: Politika; 2012 Ekaina 01; Agerraldiak: 3746

Jean Lassalle depütatüa berriz haütagei Legebiltzarreko

Hirugerren mandat baten ardietsi nahian presentatzen da Jean Lassalle depütatü biarnesa « Centre pour la France » etiketarekin. Bere ordezkoa Barthelemy Aguerre Amikuzeko Kontseilü orokorra da. Eskualde hontakoaren alde 10 urtez egin düan lana jarraikitzea xedea dü, Legebiltzarrean botz independente ükenez. Infrastrüktüren garapena, laborantsaren zaintzea, enpresa eta ofizialgintzaren süstatzea dirate bere ekintzaren ildo nausiak.

Entzün Jean Lassalle Departamentüko laugerren eremüko depütatüa :

: Politika; 2012 Ekaina 04; Agerraldiak: 3287

Carrefour Market saltegiko langileak greban

Mauleko Carrefour Market saltegiak bortak zerratü dütü arramaiatzaren 2an neskenegün arrestiarekin. Hamasei langile greban ziren, haien eskakizünak ez direlakoz kontütan hartürik izan. Bada urte zonbait orai, langileen pausü denborak ez direla pakatürik, ondorioz 2500 euro langile bakotx galtegiten düe. Audela, saltegiak jabez kanbiatü behar dü, LAB sindikatak galtatzen dü kanbiamena aitzin zorrak pakatürik izan ditian. Mauleko 19 langilek, Altis enpresa "Prudhommes"tan sartü dü. Bestalde, düala urte zonbait Hendaian ber kasüa agitü zen eta alkartarzünaz hanko langile zonbait Maulen ziren. Orotarat, 50 bat jente hüilantü da langileer alkartarzünaren erakusteko eta erosketak egitera jinik zirenak, haboroxenek langileekin bat egin düe. Irabazien galtze handi bat izan da neskenegünean Carrefour Marketentako kasik langileer zor deien sos zama. Langilek erranik, Altisek hobe dü bere kontüak ontsa eginik, saltegiko langileak mobilizatzeko prest beitira.

Entzün Maite Benat "Carrefour Market" saltegiko langilea :

Entzün Sylvie Agnelotti Hendaiako langile eta süstengazale bat:

Entzün Eñaut Larramendi LAB sindikateko ordezkari bat :

: Politika; 2012 Maiatza 31; Agerraldiak: 3089

Eric Petetin haütagei legebiltzarreko bozketan

Eric Petetin, Aspe ibarrean Sonporteko tünelaren kontreko güdükan famatü bilakatü zena, depütatü bozketan presentatzen da 4. eremüan. Ekologia dü bere bihotztarzün handiena eta berak deionaz, oraiko ekonomia hola garatzez ez düala lüzan jarraikitzen ahal. Bere ustez, gizakia eta bazterrak hobeki kontütan hartzen düan ekonomia berri bat asmatü behar da. Ororen bürü, zühürki bizitzen ikastea proposatzen dü. Bestalde, Eüskal-Herriari züzentzen diren geietan, Institüzio Berezia eta eüskararen ofizialtarzünaren alde agertzen da.