XÜXENEAN ENTZÜN

Hezkuntza

Sohütako lizeoa bisitatzeko parada neskenegünean

Sohütako lizeoak ere borta zabalak antolatzen dütü neskenegün hontan, goizanko 9 tarik 16.30etara. Lizeoak 420 ikasle dütü, emaitza honekin, eta kurtsoetaz kanpo ere hainbat aktibitate edo arialdi badira: drone, müsika, kirol edo aeronautika lantzeko paradarekin. Bestalde dagün urteko berritarzüna date pelota saila edo sport-étude abiatzen düe, eskü hüska eta xarearekin ; agian palarekin ere, hori izen emaiteen arabera. Horrezgain, igaran urtean abiatütako elebidün sailak ere jarraikiko dü. Jean Bourda züzendaria :

Champo lizeoak bere bortak zabaltzen dütü neskenegünean

CAP eta Bac Pro-ak proposatzen dütü bekanika sailan, izan konpontzeko ala egarteko. Borta zabal horier esker ikusten ahalko düzüe zer formakuntza mota eskeintzen düen, baita ere zer baldintza honetan ikasteko parada düen. Erraiten ahal da lizeo ttipi bat dela, izigarri dinamikoa eta non erakasleak ikasleetaz hüllan diren. Bestalde inportant da erakasle eta besteekilan untsa elestatzea ikusteko haurrarentako zer den hoberena hots CAP ala BAC pro batetan abiatzea. Thomas Lecoeur erakaslea :


Borta zabalak goizan hasiko dira 9etarik 12etara; Eta arrestitan 14tarik 17tara.
Xiberoko lizeo handiena Berogaineko laborantxa eskola da!

Biltzar nausian urteko bilana egin düe eta 340 ikaslekin Berogaineko lizeoa da Xiberoko lizeo handiena. Lau baxo profesional proposatzen dütüe : laborantxan plantatzeko, etxenko kabale salzale izateko, laneko txakürren hazle izateko eta jenteen zerbütxülako lan egiteko. Beren emaitza eta fama honak akitania bazter orotarik jinarazten dütü ikasleak. Ez düe ahatze ere beren eraikuntzen modernizatzera horien arraberritzez. Berriki ere, barnategi baten eraikitzera abiatü dira. Julien Berçaits lizeoko presidenta :

Ikastolak zabalik neskenegün hontan!

Iparraldeko ikastolak oro bezala, Xiberoko ikastolek ere beren borta zabalak egiten dütüe neskenegün hontan. Goizanko 10etarik goiti bortak zabalik dirate, eta erakasleetaz gain, etxekoak ere hor dirate galtoer arrapostü emaiteko. Azpimarratü behar da Basabürüko eta Eperra ikastolan egoitzak berri bezala direla, beraz haurrak zinez baldintza honetan direla. Karine Chimix Sohütako züzendaria :

Lau egün eskolan bena ez haboro!

2018ko sartzean, 4 egünetako erritmoa haütatü da Xiberoan. Gogoeta eramanik izan da partaide güzien artean. Ikasurte hatsarrean hitzemanik izan zen bezala, urtea baliatü da ikerka baten eramaiteko etxeko, erakasle eta Herriko Etxeen eretzealat. Kasik denak ados ziren 4 egunetara berriz ützültzeko ; erakasle eta etxekoen gehiengoak erran düalakoz haurrak akitürikago direla asteazken goizetan eskolalat joan behar direlarik. Orai gogoetak jarraikitzen dü ikusteko asteazkenetan inganiogüne bat plantan ezarteko beharra badenez edo ez ; ikertüko da ere eüskarazko inganiogüne baten beharra ; hortarako ikerka baten egiten ari dira memento hontan. Jean-Pelle Iriart Xiberoko ordezkaria Eüskal Hirigüne Alkargoan:

Ausaz

Kronika

Emankizüna

Artxiboan