XÜXENEAN ENTZÜN

Hezkuntza

Jakitatea belaunaldiz belaunaldi igaraiten!

Aintzineko astehartean, Outil en main alkarteak urtearen lüzaran egin dütüen eskülanak erakutsi dütü Bildozeko eskola ohian. Eskülanen gustüa eta jakitatea igaranarazteko xedez, astearte arrestiri oroz bildü dira 9 eta 14 urteren arteko haurrak. Hirunazkako 3 talde plantatzez, joskintza, mahastürügoa, edo hargingoaren ikasteko, erakasle zonbaiti esker. Horietarik bata da Mixel Arotze:

Xiberotarraren ikasteko parada üdan ere bai!

Xiberoko Gaü Eskolek üda güziz antolatzen düen ikastaldia, üztailaren 24tik 29ala iraganen da Mendikotan. Xiberotarraren ikastea edo hobetzea dü helbürü. Hütsetik hasten direner edo barnatü nahi düener hersatzen da. Aste osoaren kostüa, 335 €koa da, eta 290koa langabezian direnentako. Jakitekoa da, xiberotarra izatez, prezio horietan, %30en apalzea badela. Izenak eman behar dira üztailaren 12a gabe, Gaü Eskolala deituz - 05 59 19 18 44 - arrestiriko 3tarik, ülüntzeko 7etara. Internetez ere izenak emaiten ahal dira Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidean. Patxi Patalagoiti :

Züen saskia zihaurek egin ezazüe !!

Mihimenezko saski egiten ikasteko ikastaldiak antolatürik dira arramaiatzaren 14 eta 18an, hots asteazken eta igantean. Mihimenezko saskiak ‘modan’ dira berriz ere. Eta nahiz eta horien egitea gaitz üdüri düan, hortaz bizi den batek ikastaldiak antolatzen dütü. Ikastaldiek egün oso bat iraüten düe, goizanko 9tarik 18tara. Eta egün hortan bakotxak bere saskia egiten ahalko dü. Haatik, ikasle taldeak 5 jentetara mügatürik dira. Ordüan izena eman behar da lehen beno lehen 05.47.86.08 zenbakiala deitzez. Ikastaldia Sandra Lucuren atelerian date, Ürrüstoi-Larrabilen. Xehetarzün habororentako hor düzüe alkartearen webgünea Sandra Lucu:

Sohütako lizeoan gela elebidün bat zabaltüko da !

Sohütako lizeoan gela elebidüna zabaltüko da ikasturte sartzean eta jadanik 18 ikaslek izena emanik düe. Zabaltze hau Atharratze eta Mauleko kolegioetan jadanik klase elebidunak direlakoz da agitü. Lizeo hontan, 2. sartüko direnek, Historia-Geografia eta Fisika eüskaraz ikasiko düe. Horrez gain, eüskara lantüko düe 4 orenez ; hots, astean 7 oren eüskaraz ükenen düe. Erakasleak badira sail güzietan eta denak oso motibatürik dira. Ikasleen izenak üztailaren 20ala artino hartzen dütüe. Jean Bourda züzendaria :


Aitzina Mazusta eüskara erakaslea :
Harremanen hobetzeko mintzaldia arrats hontan!

Harreman baikorraz edo komunikazione abantailatsüaz badate mintzaldi eta taldean gogozkatze bat ostirale gaü hontan Mauleko mediatekan. Collectif Souletin alkarteak urte oroz 3 mintzaldi antolatzen dütü, etxekoen lagüntzeko xedean. Aldi hontan, familiaren barneko harremanen hobetzeko helbürüa düke gaüaldiak. Hots, nola hobeki komünikatü, harremanen hobetzeko gisan. Hitzaldia 18:30etan hasiko da. Odile Jungasekin xehetarzünak hartzen dütügü :

Ausaz

Kronika

Emankizüna

Artxiboan