Entrepresetan formakuntzak edo trebapenak eskentzen dütüen « etxe formation » entrepresak zertifikazione edo segürtageri berri bat ardietsi dü. Horri esker bere lanaren kalitatea arra-ezagutürik da. Gisa horrez ere, beren formakuntzen ükeiteko, entrepresek sos lagüngoen ükeiteko züzena ükenen düe, 2017tik goiti. Ezen, 2017tik goiti formakuntzak ordaintürik izateko segürtageri hori beharrezkoa date. Bestalde “Etxe formation” entrepresak zerbütxü berri bat eskentüren dü obra pülikoentako. Jakin behar da urtean 1000 bat jenteri ikastaldi bat eskentzen düala Irabarneko entrpresak ; ikastaldiak egün bat edo hiru egün iraüten düalarik. Alain Etxeberri lanteginausia :

30 bat xiberotarrek parte hartü düe aste ondarrean Arrasaten iragan den Xiberoa egünean. Enpresa mündüaren ezagütza, ikastoletan erabilten den pedagojia berria, etxen mozkin egilen feida eta besta. Enpresa mündüaren ezagützeak interes handia piztü dü , Arrasateko koperatibeekin eta xiberoko enpresa zonbaitekin harremanek jarraiki behar lükie. Aste ondarraren helbürüa zen harremaner beste builta baten emaitea, hebentik goiti bakotxak bere sailan ikusi beharko dü nola alkar lan bat plantan ezarten ahal den. Beñat Etxebest-ek egünaren bildüma egiten deikü :

Goxama Xiberoa eta Behe Nafarroako etxe haurtzain eta familien elkartea da. Xiberoan 29 etxe haurtzain badira, aurten berean 5 hasiberri direlarik. Goxama elkarteak atelierrak proposatzen dütü Maulen (astelehen goiz oroz lehen mailako eskolan) eta Alozen (ostegün goizetan bena bi astetarik). Atelierrak proposatzeaz gain, goxamak arartekari lana egiten du, haurtzain eta etxekoen artean ; hots aitamek haurtzain bat aise ediren dezen. Valerie Urrutia elkartebürüa :

Neskenegün hontan, Xiberoaren egüna ospatüko da Arrasaten ; gipuzkoako hiria famatürik da industria eta goi mailako erakaskuntzan. Xiberoarekin harremanak aspalditik badira, hala nola azken urteetan, xiberoko etxe ekoizpenak saltzen dira xüxenka Arrasateko familier. Harremanen etxekitzeko lan egiten du Arrasaten bizi den xiberotarsa batek ;  Sortzez barkoxekoa da Renée Harbustan Ordokihandi, 40 urte hontan Arrasaten bizi da eta neskenegüneko egünaldiaren antolazailetan da: