Azken 3 urteetan, Sagartzea alkarteak Xiberoan eraman düan lana ürrentzeala doa. Alde batetik, adarren mozte eta txertatze formakuntzak eskentü dütü, bestetik, Xiberoko sagarondo ezberdinak bildü eta izentatü dütü. Ürrentzeko martxoaren 23an neskenegünarekin 35 sagartze lantatürik izanen dira Agerriako lürretan Maulen. Ondotik, hiruzpalau urteen bürüan lehen sagarrak ekoiztüko dira eta nahiant güziek adarxka zonbait mozten ahalko düe beste sagartzen txertatzeko. Sagartzea alkarteak hitzordüa emaiten deizüe martxoaren 23ko goizanko 9.30tan Agerrian züen bürdüinpalekin.

Entzün Pantxika Maitia Sargartzea alkarteko kidea : 

Basabürüko ühaitz eta errekak, igaran urtean zinez hunkirik izan dira tenpesten itxesen gatik. Erran behar da, hurteak hanitx kaltegarri direla erreka bazterrentako eta errekan bizi diren kabaleentako. Ühaitza türbüsten delarikan, arrainek hanitx sofritzen düe eta hiltzen dira. Horrengatik, urte oroz, Basabürüko Arrantzükarien alkarteak arrain arraezartea bortxatürik da. Prefosta, horik oro koste bat dü, bena beharere, alkarteak sos lagüntza badü. Arrantzükarien alkarteak SHEM SUEZ-ekin  hitzarmen bat badü 2008az geroztik eta azken urteko kontratüa ürrentzen ari da. Mementoko, Basabürüko errekako  huraren kalitatea aski hon agertzen da, hatik, ühaitz eta erreken bazterrak hein bat zikin dira papere, plastika eta alanbresen presentziaren gatik. Arrantzükarien alkarteak, laster ühaitz bazterren xahatze eta zikinkerien biltze bat antolatüko dü eta erreka bazterreko lanak jarraikitzen dütü.

Entzün Clément Bozom Basabürüko Arrantzükarien alkarteko bürüa : 

2012an Pettareko Arrantzükarien Alkarteak bere lana aitzina eraman dü sail ezberdinetan. Hasteko, erreker bürüz estüdio lan bat eraman dü. Estüdioa eskualdeka eginik da eta aurten orano jarraikitzen da. Igaran urtean, Pettareko Arrantzükarien Alkarteak, animazioneak  segürtatü dütü eskoletan, ikasleer zenzibilizazione lehen ürrats bat nahi izan dü eskentü, huraren zikloaz eta errekaz. Animazione pedagogiko horik aski preziatürik dira eta alkarteko kideentako inportant zaie, haurrak ttippi ttipitik zenzibilizatzea. Beste animazione eta ekintzetan parte hartü dü alkarteak, aborna edo arrantzükako zoin gehiagokan eta erreken bazterren xahatzean. Azkenik, Pettareko eta ibar aüzoko arrantzükarien alkarteen artean, langile bat hartü düe.

Entzün Pierre Etchecopar Pettareko Arrantzükarien alkarteko bürüa : 

Ovinpiades - Artzain Gazteen Akitaniako lehiaka iragan da barantailan Akizeko laborantsa lizeoan. Orotarat, 24 gazte sailkatürik ziren Departamentüetako Kanporaketarik eta Laborantsako Saluan finalan parte hartzeko biga haütatürik izan dira, Denis Luchillo, Berrogaineko lizeoan den Gamerear gaztea eta Stéphane Arriuberge Olorueko laborantsa lizeoan dena. Biba bi gazte horiek eta xantza hon Pariseko.