- Laborantxa / Üngüramena
- Agerraldiak: 3528
Kabaleen bazkatzeko formakuntzak
Urdiñarbeko Ardi Zentroak, etxalteen autonomia eta kabaleen bazkatzeko moldeen hobetzeko informazione bilkürak proposatzen dütü ondoko egünetan, Oloruen, Iholdin, Izpuran eta Maulen. Idortea edo bazkeen prezioen gatik hazleak arrenküratürik agertzen dira eta kabaleen bazketan ekonomiak nahi dütüe egin. Holako egitateak izaten ahal dütüen ondorioetaz eta izaten ahal diren beste elkibideetaz informazione ekarri nahi dü Ardi Zentroak. Lehen hitzordüa, ürrietaren 17an Oloruen date Laborantsa Lizeoan. Bigerrena Iholdin, ürrietaren 18ean. Hirugerrena Izpuran Laborarien Etxean eta azkena ürrietaren 23an Urdiñarbeko Ardi Zentroan. Orai danik, izenak eman 05.59.28.05.87 zenbakiala deitüz.
Entzün Jean-Michel Noblia Urdinarbeko Ardi Zentroko teknikalaria :
« Bihar Artzaina » ardi sailako azizak Aiziritzen igaran dira Departamentüko, Korsikako eta Aveyroneko ardi sailekoekin. Inkestaren emaitzan, ardi hazleen adinaren goratzea, ekoizteko prezio emendatzea, sos lagüntzen menpekotarzüna, hona agertzen diren arrenküra nausiak. Diagnostika hortarik plan estrategikoa nahi da sorarazi, podere püblikoen aitzinean botz bakar batez ardi sailaren eskakizünen presentatzeko. Geroari bürüz, gazteen plantatzea, transmizionea, errebenioa, edo mozkinen leküa merkatüan izanen dira lan ardatz nausiak. Algarren artean eramaiteko ekintzak finkatüko dira, eskualde bakotxeko ardi sailaren lehiakortarzünaren azkartzeko. Bestalde, ardi sailako azizen abiatzean, ELB sindikateko laborari multxo batek banderola baten gibelean bildü zen, «Ossau-Iratiren kopiarik ez Aveyronen !» salatzeko. Ekintzaren egiteko mementoa hautatürik izan zen Robert Glandières Roquefort-eko lehendakaria parte hartü behar beitzüan Azizetan, bena azken mementoan parkatürik izan zen.
"Ardi latxaren" eznetik, artzainen eskü trebeetarik igaranez, Idiazabal sor markak kalitatearen bidean egin dütüan ürratser esker, mündü osoan famatürik bilakatü da. Haatik, sormarka, ardi saileko beste aktüreen gisan, ekoizpena eta saltzeen apaltzeari bürü egiteko güdükatzen ari da. Idiazabal eskualdean ere, kanpoko arrazekin ari direnen eta indüstrialen konkürrentzia gaitzaren kontre lehiatzen dira. Idiazabal sormarkako ardüradünek bide bat baizik ikusten düe, "ardi latxaren" zaintzea, kalitatea etxekitzea eta famaz bermatzea, bere gazna mündü osoan saldürik eta ezagütüxago izateko.
Laborantsako geroaren beresküalatzeko, beren zerrenda presentatü düe Eüskal Herriko Laborarien Batarzünak eta Confédération Paysanne Biarnoa sindikatek igaran ürrietaren 10ean Beskoitzen. 23 laborari dira zerrendan eta haren bürüa, Mixel Erbin Nabarrenkoxe kantonamentüko Angouseko laboraria da. Zerrendan, departamentüko bi eskualdeak, laborantsako sail güziak bai ta gizon -emazteak ontsa ordezkatürik dira. Xiberotik bi gazteek parte hartüko düe. Muskildirik Maddi Gaztelusarry, eta Larraiñerik Nikolas Bengoetchea. Laborari güzier deia lüzatü düe dagün urtarrilako Laborantsa Kanberako bozkeetan parte hartzeko saldo handian, 
Beste urtez beno montüra gütiago izan dira Onizepea, Altzai eta Larrainen egin den Xiberoko zaldi lodien zoingehiagokan. Onizepean 3 hazle baizik ez ziren eta 10 bat montüra ekarri zütüen. Harragiaren prezioa apal izanik, nehorek ez da haboro montüra hazkuntzari lotzen. Baratzen direnak haboro ganoaz ari dira. Hortik harat, saristatürik izan direnak Morlaas-en eginen den Departamentüko zaldi zoingehiagokan parte hartüko düe.