XÜXENEAN ENTZÜN

Ekonomia

Zortzi urtez Credit Agricoleko lehendakari izan ondoan, Albert Hastoyek bere leküa utzi deio lehendakari ordariari Juju Erbin Ürrüstoi-Larrabileko aüzapezari. Albert Hastoyek eraman düan lana goraipatü düe administrazaleek. Juju Erbinek bere aldetik, jakinarazi dü orai arte eraman den ber bidea jarraikiko düala. Biltzar nausian Xiberoko lehuak partekatürik izan dira, Azia alkarteari, Arla enpresari, Pier-Pol Berçaitsi, eta Pierre Hardoyi. Lau horik haütatü dütü Administrazio kontseilüak, Xiberoari ekarten deien lanaren eskertzeko. Bestalde, beste bi lehu emanik izan dira, Françoise Sallaberry berriki erretretala joanik den langileari eta Albert Hastoy lehendakari kargüa ützi düanari.

Entzün Albert Hastoy Crédit Agricoleko lehendakari ohia : 


Soinüaren telekargatzeko (esküineko klika)
Entzün Juju Erbin Crédit Agricoleko lehendakari berria : 

Soinüaren telekargatzeko (esküineko klika)
Entzün Crédit Agricoleko bi züzendariak Dominika Epherre Atharratzekoa eta Stéphane Urruty Maulekoa :

Soinüaren telekargatzeko (esküineko klika)

Xarrikota-Peko ondarkintegiaren aferan, Paueko Auzitegi Administratiboak, bigerren aldikoz, arrazu eman deio Bil ta Garbi zindikatari. Martxoaren 8an eman den erabakian, ez da honartü Xarrikota-Peko Terre Verteren salhatzea, beraz, ondarkintegiaren eraikitzeko permisa baieztatü dü Auzitegak. Aldi hontan, Bil ta Garbiren ustez, denak ontsa dira eta ontsalas lanek hasi behar lükee ondoko egünetan. Bestalde, informazione sailan, Bil ta Garbik Zindikatak ahal bezain beste xehetarzün eman nahi dü ondarkintegiaz eta zenbaki berde bat plantan ezari dü 0.800.71.88.42. Aldiz, Terre verte alkarteak ez dü mementoko jakinarazi zer eginen düan.

Entzün Dominika Boscq Bil ta Garbi Zindikateko lehendakari ordaria : 


Soinüaren telekargatzeko (esküineko klika)

CAOSO eta AXURIA koperatibako lehendakariek, axurien IGPa presentatü düe Pariseko Laborantsako saluan, departamentüaren egünean. Bada hamar bat urte, borrokan ari direla IGP horren lortzeko eta azkenean kausitü düe. "Memento honean agertü dela", erran düe, süxtut aragiaren ekoizpen-ütürria nahi delarikan jakin. Pariseko jatetxe handietako sükaltariek, hortaz kasü egiten düe eta IGP markari esker experantza düe, merkatü berrien kausitzea Frantzian eta beste erresumetan. Egüberriko axuriak prezio honean saltzen badira, ondotik Espainako merkatütik landa dira prezioak apaltzen . IGP horrekin experantxa düe prezio hobenean saltzea bazko arte.

Entzün Peio Quihillalt Axuria kooperatibako bürüa : 


Soinüaren telekargatzeko (esküineko klika)

Igaran urteko ber balioa eman dü UCACM Mauleko komerxant eta ofizialeen batarzünak. 2012ko maiatzeko animazioneak ontsa joan badira, egüberrikoak hütsak izan dira. Animazione berriak izan badira ere, komünikazio arloan arrenküra zonbait agertü dira. Biltzar nausiaren denboran, 2013ko kotisazione berriak presentatürik izan dira eta "Eüskal Herria Bihotzean" ürrats berriak. Bestalde, UCACMek bere irudia zabaltü nahi dü interneten eta webgüne bat sortzen ari da barnekaldeko saltzaleekin. Bere itxüraren zabaltzeko, Xiberoa Herri Alkargoaren ikurra baliatü nahi da eta "Xiberoko Komerxanten Batarzünak" Atharratze eta Maulekoak bildüko dütü algarrrekin haborokin lan egiteko.

Entzün Jean-Bernard Pérez Mauleko Saltzaleen eta Ofizialeen Batarzüneko bürüa : 

Soinüaren telekargatzeko (esküineko klika)

Berexten dügün ondarkinen biltzeko, VEOLIA enpresarekin kontratüa bi urtez lüzatüko dü Xiberoa Herri Alkargoak. Kanbiamen handi zonbaiten mezperan gira. Dagün üztailatik harat, bitrezkoak bil-ontzi kolektibo berrietala eraman beharko dira eta ez dirate haboro "kexa hoilietan" ezari beharko. Haatik, ibilmolde honek ez lüke lüzaz iraün behar, Herri Alkargoak urte ondarra gabe hala deliberatzen badü ere. 2015 edo 2016ko bereixteko ondarkinak "Bil-ontzi kolektiboetan" antolatzeko gogoetatzen ari da. Hatsarrean, ibilmolde hori inbestizamentü handia bada, abantaila franko eskentüko dütü. Funkzionamentüa merkeagoa date, langileen lan baldintzak hobetüko dira, herritarrek bereixten düenaren araberan pakatüko dütüe legarrak eta oroen bürü "Eritarzün Segürtantxa Kütxak" eta "Grenelles-ko hitzarmenak" egiten dütüen gomendioak segitürik dirate.

Entzün Roger Borthelle Xiberoa Herri Alkargoako haütetsia : 


Soinüaren telekargatzeko (esküineko klika)

Ausaz

Kronika

Emankizüna

Artxiboan