XÜXENEAN ENTZÜN

Ekonomia

×

Abisua

JUser: :_load: Ezin izan da erabiltzailea kargatu ID honekin: 294

SHEMeko hur zentralan deüs ez da galtzen. Hurarekin argi indarra sorarazten düan enpresa honek, Santa-Graziko hurtegian lanean ari da, turbina berri baten ezarteko. Orai arte, horko hura lehen turbina batetik iragan ondoan, Ligiko hur zentralala heltzen zen, beste turbina batetarik argi indarraren sortzeko. Santa-Graziko erreka ez agortürik üzteko, hur kantitate baten ixurtzea behartürik dira. Kantitate hori emendatü beita eta debaldetan ixurtzen üzteko partez, hurtegi azpian turbina bat ezarten ari dira. Lan horiek ez düe eraginik ekarriko errekari eta mila jenteen heineko argi indarra sortüko dü. Bestalde, Sohütako Baragarriko hurtegia erosi dü, argi indarraren ekarpenaren azkartzeko xedearekin. Han zen langilea Ligiko SHEMeko hamekagerren langilea bilakatzen da.

Entzün Jean-Luc Ducombs Ligiko SHEMeko ardüradüna : 


Soinüaren telekargatzeko (esküineko klika)

Departamentüko enerjien sindikataren biltzar nausia Maulen egin da, herrietako 300 bat ordezkarien parte hartzearekin. Botingoan 546 herriek parte hartzen düe eta sindikataren helbüruetarik bat da, herrietan diren elektrika sareen antolatzea, lürperatzea beharra delarik edo herrien argitze sistima segürtatzea. Bigerren lan nausia da, ERDFen lanaren jarraikitzea eta kontrolatzea. 2013an, hogei miliu euroko lanak eginen dira herrietan. Bestalde, sail berri bati lotü nahi da Botingoa, ühain optikoa eta zedariak oto elektriken baterien kargatzeko ezari nahi dira ahal bezain beste herritan.

Entzün Denise Saint-Pée Departamentüko Enerjien Sindikatekoa :


Soinüaren telekargatzeko (esküineko klika)

Negoziaketa gogorrak eta tiran igaran dira INTERSINDIKALA eta CHAUMES-eko ordezkarien artean. Intersindikalak galtatzen züan 10 euroz goratzeaz mila pintentzat ez dü lortü. Azkenean, abentüan ardi eznearen sasuko prezioak trinkatü dütüe eta prezio ezberdinak agertü dira. Lehenik, oinarrizko prezioa igaran urteko bera baratzen da 989€ mila pintentzat. Primak berak baratzen dira, A.O.C sor markan direnentzat 60€ mila pintentzat eta 10€ haborokin 500 000 zelülak alde pean direnentzat. Hatik, CHAUMES-ko züzendariak, ekoizpena eta ezne biltzearen denbora lüzatü nahi beitü, baldintza eta prezio berriak proposatzen dütü. Azaroa eta agorrilan ezne ekoiztüko direnentako 20€ haboro pakatüko da 1000 pintentzat. Hartarik landa, prezioa apaltüko da 10 eurotarat abentü - üztailan eta 9 eurotarat urtarilatik-arramaiatzeala. Erabaki horrek arrenkürak sorarazten dütü, eznearen prezioaren emendatzea ahül delakoz kargüen aitzinean.

Entzün Philippe Petit Gamerearra Intersindikaleko lehendakaria : 


Soinüaren telekargatzeko (esküineko klika)

Mauleko Ofizialeen Lür Eremüan den Loca Soule enpresa handitzeko lanetan hasi da. Azken hilabeteetan, Sü Ehaileen aitzineko eremüan lür antolatzen ari dira Loca Soule egoitza berriaren eraikitzeko. Materialaren alokaidatzeko eta arranjatzeko leküaz gain, salgüne bat sortüko düe.

Entzün Jean-Bernard Arbustan Loca Soule enpresako bürüa : 


Soinüaren telekargatzeko (esküineko klika)

Gipuzkoako erosle edo « klientetaz » hüilanago izateko, Mauleko Elkar enpresak langile bat hartü dü. Ohiz, 200 langilez goitiko lantegier dütü bere eskentzak egiten bena ttipiagoak andana badira Gipuzkoan. Bere aktibitatearen sentotzeko harien ganarat jo nahi dü, hori date ere Tolosar gaztearen egin beharra. Indüstriako sail ezberdiner bere eskentzaren egiten jakin üken düakoz, Mauleko Elkar enpresak ez dü krisiaz sobera sofritzen. Egün, 18 langile badira hor lanean ari, bere akitibitatea delarik metrologia eta injeniaritza.

Entzün Erik Etxart Elkar enpresako kidea  :


Soinüaren telekargatzeko (esküineko klika)
Entzün Ander Tolosako langile berria : 

Soinüaren telekargatzeko (esküineko klika)

Ausaz

Kronika

Emankizüna

Artxiboan