Previous Next

Osagarri saileko langileak heroi izatetik "ez deus ere" bilakatürik dira, edo osagarri baimen edo 'pass' delakoa onhartü ez düenak phürü!

Beren lanetik baztertürik, hilabete saria elkirik, beren egoeraren berri emaiteko agertzen dira karriketan.

Horiengana joan gira:

Previous Next

PMI-a, haur eta amen babesa lagüntzen düan departamentüko egitüra da. Mauleko bülegoa leheneko geltokian plantatürik da.

Haurren zaintza segürtatzen dü alde batetik, osagarri mailan edo bortizkerietaz hürrüntzeko. 119 zenbakialat deitü behar da halakorik agitzen baldin bada.

Eta bestalde, prebentzionea egiten da ere bai aitetama berrier aholküen emaitez.

Bedezi berri batek kontsültak proposatzen dütü astean behin Maulen, haurren segipena eta garapenaentako. Eta ostirale goizetan haur eta aitetama talde bat alkartzen da PMIko egoitzan animazale batekin, memento goxo baten partekatzeko.

Haur hartatzaile den Maritxu Negeloua :

Previous Next

« Algarrekin, goxoki bere adinean, goxoki bere lürraldean”

Hau da aurtenko aste urdineko lema. Düala 70 urte orai aste urdina ospatzen dela gure adinekoen lanak eta nekeziak ohitarazteko.

Aurten Collectif souletin alkarteak, Goxoki bizitzeko alkarteak eta osasun poloak boti animazione bat proposatzen deizüe neskenegün goizan.

Xehetarzünak Miren Juzan Collectif souletin alkarteko langilearekilan :

15 bat jente bildü dira Mauleko herriko etxearen kantean osagarri pass-aren kontre agertzeko.

Horietan, beren ofizioaz txilintxautürik izan diren Mauleko ospitaleko langileak agertü dira. Orotarat 10 langilek beren hilabete saria ez düe haboro honkitzen.

Alkartarzün kütxak pausatürik izanen dira saltegi zonbaitetan langile horien süstengatzeko gisan.

Hortaz eztabaidatzeko parada emanik da beraz, neskenegün goiz oroz, 11orenetan, Mauleko herriko etxe kantean.

Hanko parte harzaleer mikroa lüzatü zaüe: