Domintxine, Gabadi eta Barkoxeko ahate eta oiloak ez dütüe ehoko !! Goiz hontan, ELB sindikatak deitürik ehünka jente bildü dira 3 etxalteen aitzinean, sanobide zerbütxüen blokatzeko. Barkoxen DDPPko züzendaria jin da eta ikusiz blokatürik zela, indarkeriarik ez erabilteko erabaki dü. Ahateak ez dütü ehoko, halere, antoladüra berezi bat ezarririk date 3 etxalde horientako, ikerka hanitx ükenen beitütüe. ELBkoak botzik agertü dira bena kasü egin behar dela dioie, dagün egünetan ahateen ehaiteko manüa arrajiten ahal beita.Dena den oranokoan bizirik dira ahateak eta kanpoan berriz ezarririk izan dira.
DDPPko züzendari Alain Mesplede:

Atzo goizean ahate gripa dela-eta, oilo eta ahate hazleer hitzezko süstengüa emaitetik, süstengu fisikoa eman düe ehünka jentek. Barkoxeko Ühartea etxalteak ahate hazkuntza bat badü, eta Prefetak abisatü dü astebürüa jin gabe ahateak oro ehoko zeitzela. Alta, aitzineko egünetan egin dütüen ikerka edo analisek dioie hazkuntza sanoak direla, bai Barkoxen, bai Domintxinen nola Gabadin, Ühartea, Berho eta Prebende etxalteetan. Atzo goizan, hedexuriak jin dira bena ikusi düe bazela jente franko, ELB sindikatak deitürik. Eta ELBk erran dü hazkuntza sanoak ez dütüela hiltzen ütziko. Elkarretaratzeak non diren jakiteko telefona zenbaki bat bada, hau delarik: 05 59 37 21 0805 59 37 21 08.
Süstengüz jin ziren hiru lagünekin elestatü ginen atzo:

Azkorria gaznakagiak bedatseko feida antolatzen dü neskenegün hontan. Igaran urtean, 460.000 litro ezne bildü düe 16 etxalteren artean. Hatsarrean beno 100.000 litro haboro ekoizten düe, eta aitzineko urtean beno %10 haboro. Ezne gordinean 2 eta 4 kg-ko sormarkako gaznak saltzen dütüe. Haboxeena Frantzia hego sartaldean. Musikildiko Azkorria gaznakagian, goizanko 10 orenetarik arrestiriko 6ak arte bortak zabaltüko dütüe. Gaznak prezio honean, Lurramako errezeta liburua, eta ardi gaznarekin eginik den jogurta erosten ahal dirateke. Egileak ere hor dirate xehetarzünen emaiteko.
Jean-Claude Barreix gaznakagiako bürüa:

Hegazti griparen kontreko borrokan, Frantses gobernüak erabaki dü "Vide sanitaire" edo hilabetez beren laborantxa bastimentüen hütsik begiratzea galteginen zaiela Pirinio Atlantikoak Departamentüko ahate hazleer apirilaren 17tik maiatzaren28ala. Delibero horren salatzeko, 80 bat ahate hazle bildü ziren igaran ostiralean, Gabadin, ELB sindikatak deitürik. Eremü babestüa den lürralde hortan, hazle batek Departamentuko "popülazionearen zainzale" den egitürarenganik arauari saiheste bat üken dü ahate ekarrarazteko. Üdüriala ahate horik hegazti gripaz hunkirik ziren, eta ondorioz, eremu hortako ahatezionea oro eho beharko dira. Hots, nahiz sanoak izan, Gabadiko Bernadette Prebendek bereak ehoarazi beharko dütü, hala manatü beiteio DDPP edo Departamentuko Populazionearen Zainzale den egitürak. Barkoxeko hazle bat ere ber kasüan litaike. Ez düela holakorik egiten ütziko erabaki düe Gabadin bildü diren jenteek. Legearen kontre joaitez, 15.000 €ko berbala arriskatzen düe.
Cathy Chabalgoity ahate hazlea :