« Les Amis du Château » alkarteaz gain, Mauleko Herriko Etxeak ere, bere animazioak eskentü nahi dütü Maule Gaineko gaztelüan. Üztailaren 18an eta agorrilaren 2an, arratseko 7tarik aitzina, Gaztelü zaharraren eta Maule Gaineko ixtoriaren aipatzera jinen da Joel Larroque ixtorialaria. Agorrilaren 8an aldiz, « Gospel » saileko kantore hitzordü bat zaikü eskentürik.

Entzün Béatrice Lahargoue, Maule hiriko kültür zinegotsia : 

Kantari, bertsulari, dantzari, soinüegile franko izanen dira Mauleko besteen alegeratzeko. Ahatze gabe, pelota partida, rugbi, bizikleta lasterkaldi eta jokü. Ostegünarekin bestak hasiko dira, Zesta Punta gaüaldi batekin Mauleko Jai-Alaian Kiñiela maneran. Ostiralearekin, kontzertü bat badate "Les Allumettes", ondotik beste 2 kontzertü Zinka ostatüan Joxe Replay eta Les Branlarians taldeekin. Neskenegünarekin, egün güzian animazione franko, dantza ikusgarria, kantaldi, jokü, gaüan kontzertü « En tol sarmiento » taldearekin.  Igantearekin aldiz, eüskal indar joküak, dantza ikusgarria, Elite Pro pelota partida eta arrestiri aphalean Kanta Lextarre Bertsulari ta kantariekin. Besta jarraikitzeko, Xistera partida izanen da, bodega, Kantaldia Amaren Alabak eta Etxart ahizpekin, eta bestak ürrentzeko « sü artifizial » handi bat Mauleko plazan. Xehetarzün habororen ükeiteko  www.mauléon-licharre.fr web güneala joan.

Junes Bedaxagar Mauleko besta batzordeko gaztea.
Entzün ostegüneko egitaraua :  

Mauleko besteen denboran üztailaren 12tik-14ala, ZINKA ostatüan ere mugimentü izanen da. Animazioneak arrestiri apalez hasiko dira 18.00tarik harat. Ostiralearekin hasteko 2 talde izanen dira Joxe Riplay eta The Bralarians. Neskenegün gaüan beste 2 soinü izanen dira bazterren alegeratzeko Zezenaren taldea Baxenafarroatik eta Zézé Baionatik. Biharamenean, üztailaren 14an igantearekin, 12.00tan  “Bertso Poteo” bat  eta bazkari bat Eüskal preso eta iheslari politikoen alde, Herrira Xiberoa plataformak eta Koblaka alkarteak antolatürik. 13.30tan bertso bazkaria Zinkan Xabier Silveira, Odei Barroso eta Ortzi Idoate bertsulariekin. Mauleko besteen denboran, besta egiteko giro hoberenean, animazione franko Mauleko Zinka ostatüan.   

Entzün Claudine Arhantcet Zinka alkarteko kidea : 

Urte osoan, 17 000 sartze saldürik izan dira Maule Baitha zinema gelan. Zenbaki ederra üdüritzen badü, doi doia da zinema biziarazten düan alkartearen bermatzeko. Zinema zaleak hilabetean behin zinemalat joan balite, aski lizate alkartearen sendotzeko. Herri ttipi batetako gela izanez, filmak elki eta hiru asteen bürüan baizik ez dira Maulen ikusten, alkarteko ardüradüner penagarri bazaie ere "ezin dela beste gisa egiten "deioie. Bestalde, ohartü dira eüskarazko filmek pübliko hon bat badüela, bena oranokoz konplikatü da harien biltzea, bereziki hedatzeko baimenak ezberdinak beitira, Frantzia eta Espainako legediaren aldetik. Haatik, arrenküra hau konpontzeko bidean dela üdüri dü. Ohartetxekitzekoa da, hilabetean behin zinemalat joaitez, Mauleko gelak geroa argiago ikus leiokeala…

Entzün Henri Guérin Calvo Maule Baithako ardüradüna :