Kultura

: Kultura; 2013 Urria 22; Agerraldiak: 1524

Uztaro atelierraren lana ikusgei Maulen.

Uztaro margo atelierrako ikasleen obrak ikusgei dira Mauleko ondarearen etxean !!! 1987an sortü zen Uztaro. Hatsarrean denatarik egiten bazüan, orai margo kursoak baizik ez dütü eskeintzen eta margo ikastaldi zonbait ere antolatzen dütü, Cecile Tourreau edo Pette Etxebarria bezalako aditü bereziekin. Gonzalo Etxebarria margo erakaslearen helbürüa ez da teknikaren aitzina ezartea bena bai tematika ezbardinen lantzearekin teknika hobetzea. Uztarok adin güzietako 22 ikasle dütü aurten. Beste urteetan beren lanak erakusten bazütüen Mendikotan düen egoitzan, aurten Mauleko Ondarearen Etxean plantatü dira. Azaroaren 4ala egonen da hor ikusgei.
Gonzalo Etxebarria :

: Kultura; 2013 Urria 18; Agerraldiak: 1456

AZIMUTH Maulen

Michel Drucker-en kronikalari bat Maule Baithan!! Mauleko kültüraldiaren karietara, Bernard AZIMUTH, mündü oro ezagützen düan Michel Druckeren kronikalari ohia, hor date ostirale hontan. Bere 6. one man show-a ikusgei dateke, berak ezkiribatürik “à table” antzerkia. Bere gisan historia bat kontatzen dü, bahitze batekin abiatzen dena. Mauleko kültüraldiako arduradünek one man show delako hori ikusirik, haütatü düe aurtenko kültüraldiarentako. Agerriko ürrietaren 18 hontan 21etan haütü hona egin düenez.

: Kultura; 2013 Urria 14; Agerraldiak: 2023

Miguel de Unamuno-ren olerkiak Eüskaraz irakurgei orai.

« Herbesteko sonetüak » deitzen da, Jean Louis Davant-ek ützüli düan, Miguel de Unamuno-ren olerki bildüma. Miguel de Unamuno, Bizkaitar intelektüal eta ünibersitalaria zen. 1920 altean, Primo de Ribera diktatorrearen kontra agertü zen, eta oldartze horek, herbestearen bidea zabaltü zeion, lehenik Kanari ügarteak, gero Parise eta azkenik Hendaia. Bidaje horietan idatzi 110 bat olerkiren bildüma da J .Louis Davant-ek eüskaraz eta frantzesez ützüli düana. Olerkietan jente xeheen aldeko etxekimentüa eta elita baten gaitzezpenak agertzen dira, bena obrak, zizkak hartürik zen Espainiaren iragan ospetxüak ere noztalgiaz zeiharkatzen dü.
Jean Louis Davant :

Irakurri gehiago ...

: Kultura; 2013 Urria 17; Agerraldiak: 1544

Xiberoa Zinez egüna, filma eta bideo sorkuntzaren egüna.

Hebentik alkarteak, Xiberoa Zinez egüna antolatzen dü ürrietaren 19an Maulen. Goizeko 10etarik eta egün orotan filmak eta bideo instalazioak, Dédé Lagaronne-n ostatüan eta Ondarearen Etxean, Franck Hoursiangou, Christian Villavicencio, Pette Etxebarria, Maritxu Etxeto eta Ddiddue eta Juana Etxeberri-ekin. Egüerditan, Dédé-ren ostatüan, züntzür bustitze müsikala, David Holmes eta Mixel Etxecopar-ekin. Arrestiriko 18etan „Emak Bakia Baita“ filmaren hedapena eta solasaldia Oskar Alegria filma egilearekin.
Mixel Etxecopar Hebentik alkarteko kidea :

: Kultura; 2013 Urria 11; Agerraldiak: 1877

IPK alkartea, artista berrien erakusle.

Iparraldeko 9. Konpilazioa plazaratzen dü IPK, Hendaiako alkarteak. Kanta bildüman, Ozke (Xiberoa), Bardetorte (Hendaia), Kinine (Miarritze) eta Freyja (Hendaia) taldeen kantoreak bildürik dira. IPK-ak aurkezpen kontzertüak antolatzen dütü, talde horien hobeki ezagütarazteko. Maulen ürrietaren 12an 22etan Ozke, Bardetorte, eta The Lookers taldeak ariko dira. Ürrietaren 31an Donapaleuko Aldaka gaztetxean, Smoke Deluxe, Kinine eta Freyja entzüten ahalko dira eta azaroaren 15ean Miarritzeko Atabal gelan, The Sparteens, Ozke, Kinine eta Bardetorte taldeak agertüko dira.
Iñigo Urtado IPK-ko kidea :