XÜXENEAN ENTZÜN

Kultura

Mauleko Zinka alkartea 20 urte.

Mauleko Zinka elkartea hasi da bere 20 urte bürüko bestaren prestatazen. Abentü hatsarrean dateke. Arte hortan bere biltzar nausia ere egin dü. Düala 20 urte sortü zen güne hori, gehien bat müsika kontzertuak antolatüz dabil, nahiz egongia galtazale direner ere zabalik den. Iragan urtean kontütan hartürik, 25 bat kontzertü antolatü dira, eta hortaz gain arra berritze lanak ere egiten dütüe, bereziki baratik bazter, güne goxoago baten egokitzen. Urte betetzeko antolaketak direla eta, ostiralearekin kantoreari arte zabal bat eskeinirik izanen zaio Amaren Alaberekin, eta karaoke batekin. Antzerkiari ere pentsatü düe, Gipuzkoatik jinen den Txiki aktorearekin, bakar lan bat beidateke. Neskenegünarekin goizetik hasiko da, merkatüaren gainti, müsika eta bertsoekin, bazkaria ondotik prefosta, eta arrestitan berriz Maulen gainti jokü bat, eta gaüaz kontzertüak, Gatom, Kaleko Urdangak eta Tiocfaidh’arla taldeekin…Eta sürprisak….Zinkaren urte bürüa, Abentüaren 1ean !! Julen Guiresse eta Ion Fouchet :

Aztihitza Xahoren biziaz komiki berria, Asisko Urmenetaren eskütik.

Aztihitza deitzen da, Asisko Urmeneta marrazkilarriak, Agosti Xahoz egin komiki berria. Ehün orrialde dütüan lan pottolo batean biltzen dü Xaho Atarraztarraren bizia. Lan honen bidez ohartzen gira nolaz bere garaiko, gizon idekia zen, exkertiarra laikoa eta Eüskaldüna. Eüskarazko lehen prentsaren sorzailea izan zen, eta feminista ere besteak beste. Anekdota gisa ikusten dügü, Etxahun barkoxek, Xahoren bozka kanpaina batetan parte hartü züala. Asisko Urmenetaren estiloa, librea da, ez dütü Xahoren garaiko arropa edo arkitektürraren arrauak errespetatzen adibidez, lüma libreki joaiten zaio… Undarrian, emaitza ederra da, gure libürütegian, atentzione handiz ezarten den lan eder eta barna horietakorik bat ! Asisko Urmeneta :


Atarratzeko libürü presentazionean egin erreportaia :

Petiri Xübüko kantariaz

Petiri Xübüko edo Jean Pierre Caubet txanbelari eta kantariaz blog bat sortü berri dü Allande Etxart-ek. Hartaz Iruñako gaitero ta txanbelarielibatek egin züen ‘tesa’ bat. Geroztik Allandek dokümentü, argazki, ta kantore bildü dütü; heben: http://caubet.eklablog.com Allande Etxart:

Agusti Xaho Atarraztarraz B-D bat presentatüko da Atarratzen neskenegünean!!

Asisko Urmeneta marrazkilari famatüak dü lantü 100 ostozko libürü hau. Bi edizione badira biak euskaraz, bata batuaz, eta bestea xiberotarrez. Parada hortan egünaldi eder bat antolatüko da “prefosta” elkartearen lagüntzarekin. Goizan libürüaren presentatzea, arrestiko 4tan marrazki atelier bat Asiskoekin eta arratsean kontzertü: Leküko kantariak, eta Euskal Herri oxoan famtürik den Patxi Saiz hor izanen da Asisko Urmenta, Maider Larrory eta Joana Hoquy:

Mémoires de la Soule 2 « 1914-1918 » libürüa salgei da.

Mémoires de la Soule 2 « 1914-1918 » libürü berria presentatü dü Ikerzaleak alkarteak, neskenegün goizan Mauleko ondarrearen etxean. Gertakari latza horrez Xiberoko famili hanitx hunkitürik izan beitzen, jentea nonbre haundian hüilantü da aurkezpeneala. Estadoko egitüra ezbardinetan, ala familietan bildürik izan diren dokümentü hanitxen ikerketaren emaitza da libürüa. Lau urtez talde batek lan egin dü dokümentü horrien irakurtzeko eta sailkatzeko, eta azkenean libürüa, informazio güzi horien sintesia da. Lehen gerla münduala eragin dütüan hiletaz gain, gerlaren ondorioak familietan eta emazteen rola etxalteen zütik etxekitzeko gizonak gerla zirelarik, agertzen da ere libürüan. Libürüa Xiberoko betiko saltokietan edireiten ahal da. Horrez gain lehen gerla mündüalaz Ikerzaleak alkarteak egin düan erakuska, Idauze-Mendi, Atarratzen eta ikastetxe zonbaitetan ikusten ahalko da ondoko egünak eta asteetan. Robert Elizondo :


Battitta Aguer :

Ausaz

Kronika

Emankizüna

Artxiboan