- Ekonomia / Turismoa
- Agerraldiak: 3495
Haupa enpresa sükalteko olioak biltzen
Bada urte bat "Haupa" enpresa sortü dela Maulen. Kolektibitate eta jatetxe ezbardinetan baliatürik den olioa biltzen dü enpresak, filtratzen eta ondotik, Lyoneko enpresa bati saltzen deio bio erregeiaren egiteko. Aurten, xede berri bat plantan jarri dü Haupak, etxeko olioa biltzeko tresna bat ezarririk izan beita Carrefour saltegiko aparkaleküan. Printzipioa xinple da, pinta bateko ontzi bat erosten da 2 eurotan Mauleko Herriko-Etxean, Carrefour saltegian, Dani Coiffure edo Authentique saltegietan. Botila bete ondoan, bekanikan ezarten da eta tresnak beste ontzi bat emaiten dü, hütsa eta xahüa. Tresna berri hori heben gaintin bakotxa da eta Gipuzkoako Eko3R kooperatibak dü sorarazi. Pascal Bidart "Haupa" enpresako bürüak beste herrietan holako tresnen garatzea xedea dü. Xehetarzün haboroentako, Haupa enpresa edo Mauleko Herriko-Etxearekin harremanetan jarten ahal zidee.
Entzün Pascal Bidart Haupa enpresako bürüa :
200 metrako lüja pista sintetikoa, V.T.T edo mendiko bizikletaz eraistea, 2000 metro goratarzünean den Arla kaskoala joaiteko telesieja, asto ibilaldiak, mini golfa, marmotak ikusteko parada, artzain etxoleen bijitak eta ibilaldiak, eskentza zabala proposatzen dü San Martiko Harriko lerragüneak üda hontan. Audela, denbora eijerrarekin bista paregabekoaren gozatzeko parada dükezüe. Inganio günea üztailaren 13tik agorrilaren 19ala zabalik date. Xehetarzün habororen ükeiteko 
Bada 10 urte jadanik inzerzione sailan lan egiten düala Mauleko Interface alkarteak. Hargingoako lankiak ala zürgintzako lanen bidez, urte oroz dozena bat jente lotzen da lan mündüarekin. Alkarteak sos mailan nekeziak ezagütü baldin badütü, azken bi urteetan kontüen plomatzea kausitü dü. Egoera hauskor bada orano, bide honean direla erranik izan da biltzar nausian. Emazteen ganik galto azkarra beitü, gogoeta bat eramaiten dü Interfacek, emazteer egokirik den eskü lan süerte berri baten abiarazteko.
2150 euroko txeka bat esküratü düe bedera “Le panier souletin” eta “Les amis du château » alkarteek. Crédit Agricole Eskualdeko Kesak dütü proiektü berri ürgaizten IDL lagüntzen bidez. Orotarat, lau xedeak izanen dira lagüntürik, behinkoz « Le panier souletin » eta « Les amis du château » eramaiten diren xedeentako. Mementoko, laborantsa sailan lagüntza güti balinbada, kültür, sozial, ekonomia edo arkitektüra sailan lagüntza zonbait esküratzen ahal dira.
Xiberoko Botingoa edo sindikatak, Iratin eramaiten dütüan lan handiak aitzina ari dira eta üztaila ondarreko ürrentü behar lükee. Püblikoaren errezibitzeko eta zerbütxü güzien biribilkatzeko, eraikuntza handi bat altxatzen ari da. 18 etxoleen arraberritzeekin eta xendeen seinaletikarekin, orotarat 3 millu euroko inbestizamentüa egiten dü Sindikatak, %60 heineko sos lagüntzak hitzemanik zaiolarik. Hain xüxen, sos lagüntza horien biltzeko nekeziak zütüala jakinarazirik izan da Xiberoko Botingoako azken jüntan, Europa, eta Estadotik bereziki berantekin jinen beitira. Halere, xedearen bürüala eramanen dü sindikatak eta setemere hatsarrean egoitza berrian lan eginen düela segürtatürik izan da.