XÜXENEAN ENTZÜN

Soziala - Osagarrigintza

Jauntsien arra'erabilteko teknikak erakatsirik!

Arropen modarekin, oihal gero eta haboro erabilten dügü eta %30 baizik ez arrabiltzen. Oihaletan zer urtuki eta nola arra erabiltzeko teknika zonbaiten ikasteko, atelier parte hartzaile bat antolatürik da ostegünean Maulen. Hori antolatürik da hondarkinen ttipitzearen astekari. APESA ikerketa zentroak eta OH Orratzetik Hari dendarien alkarteak düe antolatzen. Ateleriaren lehen partean gogozkatze bat badate, leküko eta iraunkor diren elkigien üngürüan, ondotik mota orotako oihalen arra erabilteko teknika zonbait erakatsirik dirate; 18h'tarik 21h'tara Mauleko xerbütxügünean. Orratzetik Hari alkarteko Maialen Zamponi dendaria:

Irabarnen zozialki eta elgarrekin ekonomiaren eraikitzeko

Hitz ordü berezia Irabarnen ostegünean !! Herritarrer eta partikülarzki ere enpreser proposatürik da eztabada egünaldi bat. « ekonomia zoziala eta elkarrekin Xiberoan » tematika barnatüko. Odace eta Azia xiberoko elkarteak, eta lan egiten düen eskualde heineko egitürek düe antolatzen egünaldi hori. Helbürüa da enpresa mündü berriari egokitzera, ahalaz elkarlan baten eramaitez, güti agertzen den üsantxa bat enpresa mündüan Lisa Haure tea Etienne Jalladeau:

10 urtez Boliviakoen alte !

Igante hontan, Boliviaren alteko alkarteak kantaldi eta dantzaldi ikusgarri bat antolatzen dü Maule Baithan. Lehen partean Belako Zaldüna pastoraleko kantari eta dantzariak ariko dira, ondotik Bolibiako talde ‘profesional’ batek bazterrak alageratuko dü tü bere kantoreekin. Hitzordü a igantean arrestiriko 4etan Maule Baithan. Ondotik Zinka ostatü an jateko eta edateko badate, eta Boliviakoekin elestatzeko parada ere bai. Madouce Aragoaz

Shiatsu: osagarriaren hobetzeko!

Digestitze, lo, giharri ala artikülazionen aldetik badüzüe arrenküra? Jakin horiek eta beste gaitz hanitxen sendatzeko parada eskeintzen deizüela Fabienne Bordak, Maulen berean. Korpitzak dütüen arrenkürak sendatzen dütü bere erhiekin, energia igaiten den meridien edo güneetan lantzez. Shiatsü-arialdi batek 1h15 iraüten dü, eta jauntsiak etxekirik lüzatzen da. Osteopatia bezala mütüela hanitxek ordaintzen dütüe urtean Shiatsü arialdi’elibat. Bestalde Hatha Yoga kurtsoak ere proposatzen dütü. Garindainen astelehenez 18h eta Maulen astearte 19h15 ta ostiralez 9h + 12h35tan. Harekilan harremanetan sartzeko deit Fabienne Borda 07.81.59.60.14 zenbakilat. Fabienne Borda:

Atarratzeko adinetakoen etxea osorik berritürik.

Atarratzeko San Antoni adinetakoen etxean, 1997an hasirik berritze lanen estrena egin zen iragan neskenegünean. Lanen laugerren eta azken parte honen obrek, 2016etik 2017ko ürrieta artino iraun züen. Millioi bat eta 500000€ kostatü düe, hortarik 200000€ ekarri züalarik departamentüak. Orai, adinetakoen etxea osoki berritürik da eta hor diren 66 egoilearrak baldintza hoberenetan artatürik dira. Berritze lanek orokorki 7 millioi euro kostatü düe. Atarratzeko San Antoni adinetakoen etxea, Basabürüko enplegazale haundiena da, 80 langileekin, horietarik 76 emazteak direlarik. Jean Pierre Mirande:


Arnaud Villeneuve :

Ausaz

Kronika

Emankizüna

Artxiboan