Politika

: Politika; 2011 Maiatza 30; Agerraldiak: 3293

Lürralde antolamentüa eta Herri Alkargaoren beregokitzea

Estadoaren ordezkariak malgü agertü dira Departamentüko Aüzapezen biltzarrean Maulen. Lürralde antolaketaren xedeen kari, Herri Alkargoaren beregokitzea da lehen ürratsa. Xiberoak bat egiten jarraikiko dü, Eskiula ezik, eta Lixoze barnen sartüko da. Diru edo dotazioaren aldetik, ez lizate gütitzerik eta konpetentziak Herri Alkargoa bakotxa berak haüta lezazke. Azkenik, orai arte 3 mila eterdi bizizaleen hirietako ordezkariak bozkaz hautatürik baziren Herri Alkargoaetan izateko, proposamen berriak, hein hori 500 bizizaleen heineko hirietara ekar lezake. Ezagütza püblikoa düen Sindikatek ere desagert lirateke, Xiberoaren kasüan, Azenizamentüaren Sindikata. Hiru hilabeteko epea bada orai, aitzin dokumentü honi egokitzapenen ekarteko.

Entzün Dominika Boscq Xiberoa Herri Alkargoako lehendakaria :

Entzün Secaldi jauna, Pirene-Atlantikako prefeta :

Entzün Sauveur Bacho Arberatzeko aüzapeza :

: Politika; 2011 Maiatza 26; Agerraldiak: 3587

Mauleko Agerria fraidetegian xedeak abiatzen

Mauleko Agerria fraidetegi ohiaren üngürüan xedeak eraikitzen hasten dira emeki emeki. Hamabi etxebizitzen eraikitzeko hektara bateko güne bat antolatzen hasi da. Larrazkenean salgei ezarriko dira lür pezak. Bestalde, galto azkarra agertzen da Agerria fraidetegiarentako, izan dadin turisma sailan, sozial arloan edo beste. Agerria SEM delakoa, Hego Eüskal-Herriko ikasleekin klase berdeen antolatzeko nahikuntea düan “Izan Untsa” izeneko egitürarekin lanean ari da. Beste xedeak ere ikertzen ari dira. Herriko-Etxearen arrenküra nausia da, haütatüko dütüan xedeak algar biziaraztea. Mixel Etxebest aüzapezak erran deikünaz : "hori bada beren bürü hauste nausia, dena den iraünen dütüen xedeak baizik ez dütüe haütatüko".

Entün Mixel Etxebest Mauleko aüzapeza :

: Politika; 2011 Maiatza 05; Agerraldiak: 3391

Arnaud Villeneuveren kargü berriak Kontseilü Orokorrean

Arnaud Villeneuve Atarratzeko kantonamentüko Kontseilü Orokor berria, Paueko Nafarroako Parlamentüko kontseilü gazteena da. 37 urteko Atarraztarra, bere herriko aüzapeza da 2008az geroztik eta Xiberoa Herri Alkargoako lehendakari ordea, sozial saila ardürarekin. Paueko Parlamentüaren gazteena izatez, Biltzarren idazkaria da. Beste ardürak ere hartü dütü, hala nola, gazteria eta kültüra batzordearen delegatüa da. Batzordea lanari lotü dela erran deikü, berriki harekin üken dügün solasaldian. 2012ko hatsarrean eginen diren Gazteriaren Egünaldiak prestatzen ari direla jakinarazi deikü eta kültür sailan, hizkuntzer soegitez, laster beren ikusmoldea eta politikaren norabideak plazaratüko dütüe.

Entzün Arnaud Villeneuve Atarratzeko Kontseilü orokorra :

: Politika; 2011 Maiatza 12; Agerraldiak: 3418

Alkartarzüna Palestinarekin

Alkartarzünak ez dü mügarik ezagützen. Hubert Catalogne Bünüztarra, "International Solidarity Movement" erakundearen aktibitateen kari, bi hilabeteentako Palestinan da. Beren etxe eta lürretarik kanporatzeko mehatxatürik diren Palestindarer süstengüa emaiten ari da Naplouse eskualdean. Israëldarren kolonien handitzeko egün oroz kanporatze bortitzak egiten dira. Hebenko jenteen presentzia izanik ere, kanporatzeak ez dira eküratzen bena egitate horien berri zabaltzen da, Hubert Catalognek horren egiteko parada emaiten deikü. "International Solidarity Movement" erakundeak, Palestinako askatarzünaren aldeko güdüka builtarazten dü eta Israëlaren okupazionea eküruarazi nahi dü.

Entzün Hubert Catalogne Naplouse herritik :

: Politika; 2011 Maiatza 02; Agerraldiak: 3485

Maiatz lehenaren bi algarretatzeak Maulen

Langileek ezagützen dütüen nekeziak eta gobernüek eramaiten dütüen gerla inperialistak salatürik izan dira Maulen, Maiatz Lehenaren kari egin diren bi algarretaratzeetan. CFDT, CGT, FSU, UNSA, eta Solidaires sindikatek deitürik 100 bat jente biribilkatü dira Mauleko zerbütxü günean. Hitzaldi bat egin da bena karrikaren üngürüaren ez egitea deliberatü düe. Aldiz, LAB, Solidaires-ELB-Oldartu Barnekalde-NPA eta Segik antolatü düenean aldiz 120 bat ziren. Sinbolikoki, Segiko gazteek “Parpain” delakoak metatü dütüe Crédit Agricole banketxearen aitzinean. Hitzaldien ondotik Mauleko karriken üngürüa egin düe, besta giroan ürrentzeko Zinka ostatüan.