Xiberoan zen ostiralean Alain Rousset Akitania eskualdeko lehendakaria. Lehenik Sohütako lizeoan, hegatzaren arraberritzeko Akitaniak ezarri dütüan 2 millioi euro, nola baliatürik izan diren ikusteko eta bigarrenik 30. urte bürüa ospatzen züan Alkar enpresaren ikusteko. Kontent agertüa da ikustez, 8 hilabetez Sohütako lizeoa arraberritürik izan zela eta Xiberoko ekonomia eta enpresen lagüntzeko eskualdearen nahiküntea beretsi dü Alain Rousset lehendakariak.

Entzün Alain Rousset :

Eüskal Preso eta iheslari politikoen alde, besta antolatzen düe Koblaka alkarteak eta HERRIRA Xiberoak Mauleko besteen denboran. Üztailaren 14an igante egüerdiarekin iraganen da Mauleko karriketan eta ZINKA ostatüan. 12.00tan bertso poteoa Mauleko kürütxe xurietik abiatüko dena, 13.00an bertso bazkaria Zinkan, merke eta hon 10€en trüküz. Bertsularitzan ariko direnak Xabier Silveira, Odei Barroso eta Ortzi Idoate bertsulari famatüak. Memento goxo baten igaraiteko giro hoberenean, hüilant zitaie saldoan Zinka ostatüala, bazkarientako izenak eman 06.77.11.21.10la.

Entzün Joanes Etxebarria HERRIRA Xiberoko plataformakoa :

{youtube}Sx5QXZBNYds{/youtube}

Basabürüko Alkarteen Etxeak, berant hanitx hartü balinbadü, 2014ko bedatseko ürrentürik dateala baieztatürik izan da SIVOMeko azken jüntan. Azkenean, xedea osoki arraikusirik izan da. Günea franko ümi izatez, lürraren barna 7 metrotan diren fondamenen egitea behartürik izan dira. Ondorioz, egoitzaren egiteko teknikak kanbiatü dira eta obren kostea handiago date. 

Entzün Jean-Pierre Libibilbehety SIVOMeko lehendakaria : 

BATERAk bere biltzar nausia eginen dü üztailaren 13an Ezpeletan goizanko 9.30tan. Biltzar hau, inportantzia handikoa da, azken bi urteetako Lürralde Kolektiboaren alte eraman den borrokaren bilanaren egiteko mementoan horra beita. Ororen bürü, Pariserik deüs edo güti ihardetsirik izan da eta hanitxen konzientziaren kanbiatzea kausitürik izan bada, orano lan franko eraman beharko dela azpimarratü deikü Frantxoa Camus BATERA plataformako kideak. BATERAren biltzar nausiala joaiteko, algarrekilan abiatzeko hitzordüa finkatürik da neskenegün goizan 8.15tan Mauleko trein geltokian.

Entzün Frantxoa Camus BATERA Xiberoko plataformako kidea :