XÜXENEAN ENTZÜN

Politika

2012an egin lanen bildüma egin da Mauleko Herriko-Etxearen agiantzetan. Aurtenko xedeak presentatürik izan dira hor ziren herritarrer, gizarte zibileko ordezkari eta haütetsier. Horrez gain, Mixel Etxebestek xehetarzün zonbait ekarri dütü, Sohütako lizeoaz eta botzik agertü da, denen indarrer esker ikasleak Xiberoan etxekirik izan beitira. Kontent agertü da ere Herriko langileekin gaüzak anpletü beitira, manerala 2013ko ürratsak eginen dira beren galto zonbaiter baikorki ihardesteko. Aldiz, bere kexüa ez dü gorde ahal izan Mauleko Ospitaleko, sobera denbora beita züzendaririk gabe dela eta egoilearrak baita langileak jasaiten beitütüe egoera honen ondorioak. Mixel Etxebestek esperantxa dü bi hilabeteen bürüan zerbait igitüko dela eta epe ertaineko elkibide bat atzamanen dela.

Entzün Mixel Etxebest Mauleko aüzapeza :


Soinüaren telekargatzeko (esküineko klika)

Xiberoko 36 aüzapezetarik gehiengoa osoa homosexualen ezkontza baten egiteko agertzen da. 11ek bai erran düe, 7ek zerentako ez, 9ek bai legeak behartzen badütü eta 9ek ezeztza erantzün düe. Gehiengoa alte agertzen da, legeak behartzen badira bai eman erran düenek. Üdürila, kasü hortan direnak, aüzapez gisan arrapostü eman dü pertsonalki beno. Haatik, ñabardüra zonbait ezarri behar dira, haietarik zonbait legeak xüxen zer deion egürükitzen beitüe beren ikusmoldearen orozbat finkatzeko eta beste zonbait ezkontzaren alde agertzen beitira bena adopzioaren kontre.

Entzün Jean-Marc Peillen Ligiko aüzapeza : 


Soinüaren telekargatzeko (esküineko klika)
Entzün Jean-Pierre Libilbehety Lexantzüko aüzapeza : 

Soinüaren telekargatzeko
(esküineko klika)

Xarrikotapeko Mendixka ondarkintegiaren eraikitzeko lehen baimena ezeztatü dü Paueko Auzitegi Administratiboak. Haatik, arrazuak ez dira oranokoan zehaztürik izan Bil ta Garbi sindikatari. Bestalde, Bil ta Garbi sindikatak pausatü züan bigerren baimena honartü dü Prefetak. Bil ta Garbiko Nikolas Seguin-ek erran deikünaz, lanak ez dira berehala hasiko, xedearentako haütatürik izan diren enpresekin berriz bildü behar beitira, lanen egütegi berri baten osatzeko. Azkenik, pentsa daiteke Xarrikotapeko Herriak eta Terre Verte alkarteak, bigerren eraikitzeko baimena auzitegila ekarriko düela lüza gabe.

Entzün Dominika Boscq Bil ta Garbiko lehendakari ordaria : 


Soinüaren kargatzeko (esküineko klika)

Jente hüilantü bazen Baionara Eüskal Presoen süstengüz, urtarilaren 12an Bilbon eginen den Historiako jendetsüena izateko esperantxa düe HERRIRA mugimentükoek. Iragan urtean 7 autobüs joan baziren Iparraldetik aldi hontan 12 izanen dira, Xiberoa ta Baxenafarrotik biga.

Entzün Emilie Martin HERRIRA plataformakoa : 


Soinüaren telekargatzeko (esküineko klika)

Bidajatzeko parada eskentü deie Lannemezaneko presoer Robert Larrandabürü Pipasek. Lannemezaneko presontegia zentral bat da, han direnek zigor lüzeak betetzen dütüe eta mementoan zazpi eüskal preso politikoak dira. Pipasek Mali herrian egin düan mendi eta eskaladako bidajea erakustera eta kontatzera joan da. Presoek etxeko edo lagünen bijitaz gain beste hats berri baten hartzeko parada badüe eta alkartzeko parada ere bai. Jadanik, eüskal artistek egiten badüe holako ekintza, Pipasek zeion "ez dela aski" eta deia zabaltzen dü nahiant güzier zerbait berri eskentzeko presoer.

Entzün Errobert Larrandabürü "Pipas" : 


Soinüaren telekargatzeko (esküineko klika)

Ausaz

Kronika

Emankizüna

Artxiboan