Mauleko agiantzetan , Michel Etxebest, herriko auzapezak  aipatü dütü 2015an eraman lan nausiak: Mauleko eskolen bateratzea, aitzineko urteetako hurteen ondotik eginik izan diren estüdioak  eta ere üsü aipatzen den hotel jatetxe baten zabaltzea Maulen.
Bestalde eüskarraren indartzea ere helbürüetan da eta emeki emeki giroa kanbiatzen ari dela Maulen auzapezaren arabera.
2016eko xedeak aipatü dütü ere, eta eskazik ez dateke Maulen ; horietan , erraiten ahal da lehentarzünetan dela Hotel jatetxearen zabaltzea  eta hitzemanik izan da dagün larrazkeneko.
Espartiñaren etxe xedea aitzinatüko da eta obra handiak abiatzen dira urtarila hontan Mauleko ospitalearen arraberritzeko, 20 miliu euro kosteko düe eta 4 urte iraünen düe lanek.
Mixel Etxebest:

Maulen, urteko azken kontseilüa egin da eta egün orotako harat honatetaz aparte, Agerria xedea, ondarkinen sistema berria eta agenda 21 dira izan aipagei nausiak.
Agerriako ostatü xedea gibeltürik da, lanek beranta hartü düelakoz, ez dateke dagün üdako prest , bestalde, beti sükaltari baten ondotik dira.
 Ondarkinen biltze berriak arrenkürak ekarten dütü berreziki Labat karrikan, kamioak ez direlakoz igaiten ahal, bizizaleek Cherbero aparka leküala arte ekarri behar dütüe ondarkinak.
Agenda 21 programa hunartürik izan da, üngüramena errespetatzen düan honanbeste xede eramanen da hebentik eta 2017 arte.
Astearteko kontselü bilküra hortan, oposizioak salatü dü informazio eta eztabaida eskaza, damützen da egiteko maneraz horietaz.
Oposizioneko Beñat Elkegarai:

Egüberriko bakantzak abiatzen dira bortüetan elhür gütiekin, Iratin ez da batere elhürrik eta San marti harrian aldiz gütiegi eski egiteko.
Halerik ere , denbora ezinago ederra izanez, üdako animazioak proposatzen dira , hala nula, ibilaldiak.
San marti harrian, tenperatüra goregi da elhür artifiziala egiteko eta horrek ondorioa badü, bakantzatiar zonbaitek ezeztatzen düe beren egonaldia.
Iratin aldiz ,etxola güziak beterik dira , familiak jiten dira egüberri algarrekin igaiteko xedearekin.
Hots, elhürik ez, bena ezinagoko denbora ederra date aste güzian....
René Errecaret:

70 bat jenteekilan Mauleko bide kanbioetaz bilküra pübliko bat egin da Astearte gaüan, Mauleko herriko etxean.
Victor hugo karrika izan da aipagei nausia. Saltzaileek orai diren aparkaleküak oro nahi dütüe (zaharrak eta berriak), karrikako bi gaindietan. Alta, 10bat aparkalekü horiekilan, kamio, autobus eta traktürrak ez dira igaraiten ahal.
Azkenian Victor hugo karrikan aparkaleküak txerkatzen dütüe: balinba Béguerienean edirenen düe, bai eta ere Caisse d’épargne ondoan. Bena beste arrenküra bat jin da: nola egin karrika hortan jentea ez dadin sobera zale ibil.
Elkibideak orano txerkatzen ari dira.
Azkenean, xüxenketa zonbaitez bestalde, Mauleko bideek bardin jarraikiko düe dagün urtarilaren 26a arte. Ordüan beste bilküra publiko bat eginen da geroaz erabakitzeko.
Bi bizizalek elhestatzea onartü düe :