XÜXENEAN ENTZÜN

Laborantxa - Üngüramena

Ossau Irati sormarka sindikataren sektoreetako biltzarrak egin ziren iragan astean. Berri hon bat zabaltü zen lehen lehenik. 2012an sormakako gaznen salmenta ehüneko bostez emendatü zen. Ildo berean jarraikitzeko promozione kanpaña berri bat eginen dü sindikatak, Frantsez telebixta kate zonbaitetan baita interneten, ürrietaren 8tik 18ala eta azaroaren 19tik 29ala. Orotara, 712000 euro ezarriko dütü. Ossau Irati sormarka sindikataren biltzar nausia, dagün ürrietaren 17an Xiberoan, Irabarneko gaztelüan eginen da, arrestiriko 14etan.
Francis Poineau sindikatako presidenta :


Ürzo sasoina hüilantzen da eta laster aidekagietan, kabanetan ala saretegietan ihiztariak lüma grisdünaren aidürü dirateke. Aurten Urdiñarben, Naphaleko saretegietan baizik ez da ürzoa atzamanen, Gatagorenaren zerratzea erabakirik izan beita, ez delakoz ürzorik hortik orai iragaiten, haboroziz ihizlarik. Audela, arrenküra gaitza bada Garraibiko bidean. Iragan üztailako ebiteen ondotik, bidea eramanik izan zen partez. Bide hortan kurritzeko lanjerüs delakoz, herriak erabaki dü bidearen zerratzea. Hor bizi direner eta Naphaleko ihizlarier baizik ez da zabalik izanen.
Arño Berogain Urdiñarbeko aüzapeza :

Xiberoan Ürrüxtoi-Larrabilen Allande Davant düala 7 urte lüzerna ereiten hasi zen, eta düala bi urte orai sabaian idortzeko sistema plantan ezarri züan. Erran deikünaz emaitzak oso honak dira, esne kalitatea hobeagoa da, lana ere errestüa eta inbestzamentüa hein batekoa bada ere, kanpoan bazkarik ez beitü haboro erosten, oreka bertan arratzaman dü. 
Allande Davant Ürrüxtoi-Larrabileko laboraria :

Artzain gazteen departamentüko konkurtsoa, ürrietaren 2an ostegünarekin iraganen da Xiberoan, Berrogaine-Larüntzeko laborantza lizeoan, goizeko 9:00etarik arrestiriko 15:00etara. Departamentüko laborantza ikasetxe ezbardinetako berogei bat gazte parte hartüko dü. Lehen zortziek, 2015eko ürtarilan iraganen den Akitania mailako konkurtsoarentako sailkatüko dira eta agian Pariseko laborantza feida handiko finalean parte hartüko düe.
Christophe Gaget Berrogaineko lizeoko züzendaria :

Euskal Xerria hazkuntza saila osagarri honean da eta garapen prespektibak eskeintzen dütü. 2013an, 18 xerri sortzaile eta 100 bat gizentatzaileekin, 2200 xerri ekoiztürik izan ziren. Aurtenko 3000etara heltzea da xede. Hortarako Euskal Xerria hazkuntza sailak hazle berriak txerkatzen dütü.
Mixel Manhiaguet Müskildiko hazlea :


Elodie Lannux Euskal Xerria alkarteko teknikalaria :

Ausaz

Kronika

Emankizüna

Artxiboan