Etxe zonbaitetan süaren pizten hasirik balin badira, beste zonbaitek 3 edo 4 stére edo egür-izari baizik ez düe erabiliko negü osoan. Zer plantaz hain güti ? Etxea bioklimatikoa beita, hots energia ahal bezain güti xahützeko pentsatürik. Leiho eta argiarte güti iparraldealat eta sartaldealat, hanitx hegoaldealat. Audela, hegatzaren lüzetarzünarekin jokatüz, üdan eki sobera ez sartzeko eta negüan ahal bezainbeste Eric Etxart etxe bioklimatiko baten jabea :

Eüskal Herriko Laborantxa Kanberak agro-oihangintzaz ikastaldi bat antolatzen dü ürrietaren 30 eta 31an. « Lantatze egingeia ontsa gogozkat » date honen geia. Oihanak bertüte hanitx dütü, izan dadin itzalaren egiteko, frütüen emaiteko, lürraren etxekitzeko (zühain herroer esker), egür edo zur egiteko eta beste… Ikastaldi hortan parte hartzeko, haatik, izenak ürrietaren 6a gabe eman behar dira, eta ahalaz ikastaldia aitzin informazione bildü oihangintzaz. Hortarako, EHLGala deitü behar da (05 59 37 18 82) ; honek bideoak eta idazkiak igorriko dütü. Gisa horrez, parte harzaleak beren galtoekila jinen dira ikastaldiala. Joana Hoqui EHLGko langilea:

Iragan neskenegün goizan Xiberoko Botingoak biltzar berezi bat üken dü. Alde batetik, üsatüzko deliberoetaz gain, DDTM administrazionekoak jin dira Natura 2000 egingeiaren presentatzera. Bestalde, David Toureuil, azken 15 urtetan botingoako züzendaria zenak bere leküa ützi dü. Azken urteetan zen züzendari bilakatü, eta lankide, haütetsi ala administrazionekoek, denek bere lana eta bere goxotarzüna laidatü düe. Aitzineko astelehenetik haste, Orok Bat entrepresako ekoizpen arduradün bilakatürik da. Züzendari berriak bere kargüa hartüko du 10 hilabeteren bürüan, eta Bedousekoa den Sébastien Indagalur date. Jacques Barreix Botingoako bürüa:

Oihan jabe diren Departamentüko herrien alkartearen biltzar nausia egin da Atarratzen. Alkartearen helbürüa da, gure oihanetan diren zühainen baliatzearen arrabuiltaraztea. Zühainak baliatzen ahal dira edo berotzeko,edo ere müblentako. Sail hori lüzaz ützirik izan da Espainiari, bena azken 3 urteetan haütetsiekin lan bat eramanik da. Mementoan aitzinarazirik diren egingeietan, Donibane Garazin berogailü partekatü bat bada igeriskagia eta Luro kinikaren artean, entrepresa bat sortü da bagoarekin mübleak egiteko eta lan bat eramaiten da herrietako aüzapezen ohartarazteko Milou Castan :