Kirola

: Kirola; 2012 Maiatza 24; Agerraldiak: 3186

Elite Pro 2012 Garindainen

Eskü Hüskako Trinketeko Elite mailako biazkako lehiaka jokatüko da Garindaineko Ürrüpean trinketean maiatzaren 24a eta 26an. Ostegünean arrestiko 19.00tan final erdiak jokatüko dira, Ibarrola eta Battite Ducassou, Bielle eta Kurrutxarriren etzean ariko dira. Ondotik 20.00tan Larretxeak eta Ximun Lambertek, Intxauspe eta Arizmendiren kontre jokatüko düe. Finala bi pare irabazleen artean jokatüko da neskenegünarekin 26an arrestiriko 18etan. Partida hori xüxenean date Eüskal Irratietan. Aitzin partidan, Iruñean jokatüko den amatüren mündüko kopan parte hartzeko aitzin selekzionatürik diren 4 pelotakari gazte ariko dira, Peio Larralde eta Mikael Palomes, Peio Goikoetxea eta Marc Saldubeheren etzean. Finalatik landa aiharia badate eta leküak etxekitzen ahal dira 06.83.77.10.06 zenbakiala deitüz.

Entzün Philippe Sarraude Garindaintarrak alkarteko kidea :

: Kirola; 2012 Maiatza 14; Agerraldiak: 2794

Maulek erabazi Nafarroako ekiparen etzean

Frantziako artekoen Belascain edo Reichel B mailako txapelgoaren finala eraman düe Mauletarrak Nafarroa taldearen etzean 3/0, maiatzaren 13an Donapaleün. Düdarik gabe,, Xiberotarrak botzik ziren beren balentrüaz.

Entzün Claude Sardoy Mauleko trebazailea :

Entzün Beñat Queheille SAM rügbiko lehendakaria :

Entzün PierrePochelu kapitaina :

Entzün Pantxo Otxobi Nafarroa taldeko trebazalea :

: Kirola; 2012 Martxoa 13; Agerraldiak: 2728

Mendi tinietako lasterka setemerearen 7- 8 eta 9an

56. gerren Mendi Tinietako lasterkaldia, Oloruetik partitüko da aurten setemerearen 7an. Neskenegüneko lasterkak, betikoak dirate : Hegixurin Okabe eta Mehatzekoak. Igantean aldiz, Zalhagainen eta Hegixuri, eta azkenik, Barkoxe eta Atarratze aldeko Züholakoa. Üngürümenaren zaintzeko baldintzak pezatzez zoatzala erranik izan da biltzar nausian. Azkenik, komerzio eskola batetako ikasle elibatek, Mendi Tinietako lasterkak Xiberoari ekarten dütüan ondorio ekonomikoak aztertü behar lütükee. «Ecuries des cimes» alkartearen aitzinkontüan ,120 000€ koa bada, lasterka hau dela eta, 60 000 arraützültzen dütü Xiberoko ekintzale ekonomiko ezberdiner...

Entzün Jean-Bernard Pinque eta Philippe Pérez Mendi tinietako lasterkaldiko antolazaleak :

: Kirola; 2012 Martxoa 26; Agerraldiak: 2995

Ibarrola-Harismendy, Lambert-Curutcharry irabazleak

Frantziako Berezkoen Biazkako Eskü-Hüskan, Trinketeko Txapelgoaren hirugerren egünaldia jokatü da Mauleko Glaria Trinketean. Pelotakari eijerrak ari baziren ikusgarri ez da ber mailakoa izan. Lehenik, Patrick Ibarrola eta Thierry Harizmendi aidez nausitü dira Waltari eta Bonnebeltxen kontre 40/12. Ondotik, Gregori Aguirre-Paxkal de Ezkurra eta Laurent Lambert-Andde Curutcharryen arteko partida ez da lüzaz iraün, De Ezkurra mankatü beita saihetsean. Ondorioz, Lambert ta Curutcharryentako joan da partida 40/08.

Entzün Patrick Ibarrola partidatik landa :

Entzün Philippe Carricart Federazioneko ardüradüna :

: Kirola; 2012 Martxoa 09; Agerraldiak: 2984

"Neska Gaitzak" taldearentako partida gaitzak jokatzeko

2011-2012 sasuaren ürrentzeko bost partida jokatzeko baratzen zaio Mendikotako "Neska Gaitzak" taldeari. Igante hontan Baionako 2. taldea errezibitüko dü Etxekopaian. Gero, Arroxela errezibitüko dü 18an, 24an Limoges-en aldi date, apirilaren 1an Bruges-eri batzarria eginen zaiolarik. Apirilaren 8an jokatüko dü sasu hontako azken partida St-Yrieix-en. Mementoko taldea seigerrena sailkatürik da eta helbürüa da multxoaren erdian egoitea eta azkenean Federale 2an jarraikitzea dagün sasuan. Beraz, martxoaren 11an arrestiriko 15etan Mendikotako Etxekopaia kirol zelaian, Neska Gaitzak taldea, Baionako 2. taldearen etzean ariko da.