Mixel Latxere eta Eric Ithurralde sailkatü dira Xiberoko Eskü-hüxkako Txapelgoako finalentako. Muskildiko besten kari jokatü da eskü hüxkako bigerren erdi-finala. Bi jokülariek irabazi düe Peio Jauregi eta Ximun Lukuren etzean 30/27. Bigarren sailan, Urdiñarbeko sailkatü dira Didier Berasategi eta Erik Etxart, Jean Bernard Ayçaguer eta Pierre Arçanüthürrien kontre 30/15 irabaztez. Eta hirugarren sailan, Yannick Exilard eta Patxi Cazenave, lehiakaren gazteenak, finalan izateko nausitü dira 30/23 Irigoin eta Mongaston-en kontre. Exilard eta Cazenave setemeraren 14ean ostiralearekin 19etan jokatüko dira 3. seriako finalan, Rospide eta Bonnefont-en kontre. Aldiz, bigerren sailako finalan, igante goizan, Didier Berasategi eta Erik Etxart, Mikael Arricau eta Pierrot Idiarten kontre ariko dira, ondotik lehen sailan Mixel Latxere eta Eric Ithurralde, Olivier Landagaray eta Thierry Itoiz-en etzean ariko dira.

Entzün Mixel Latchère 1.sailan saikatürik Xiberoko Eskü-hüxkako Txapelgoako finalentako : 

56 gerren mendi tinetako lasterkaldiarekin dügü hitzordüa dagün setemerearen 8 eta 9an. Ostiralean Oloruen hasiko da, ondotik Iratitik iragan ondoan Maidalenan ürrentüko da oto laskerkaldia. Antolazalek gaüza haboroenak pikoan baldin badütüe Olorueko suprefetak püntü bat egin nahi izan dü bi ardatzen azpimarratzeko segürtantxa eta üngüramena.

Entzün Jean-Michel Delver Olorueko suprefeta :

Liginagako Dronde aita semeak nausitü dira Xiberoko Mendi Tinietako 56. oto lasterkaldian. Bigerren leküan Pierrine eta hirugerrenean igaran urteko irabazlea Didier Iribarren sailkatü dira. Aste ondar güzian irabazleak lehen leküetan egon dira, nahiz eta Iratin Urrutia anaiek otoa hautsi aitzin aitzinean iragan zeien eta Pierrinekin ere azkarki lehiatü dira. Dronde aita semek, aspalditik egürikatzen züen garaipena azkenean lortü düe. Denbora eijer lagün, oro ezinago ontsa iragan da, jente franko hüilantü da, izan dadin Iratin ala Maidalenan. Parte harzaleek beren aldetik, Ecurie des Cimes alkarteko kideak eskertü dütüe, pistak ontsa prestatü eta hobetü beitütüe. Bestalde, irabazleek jakinarazi deiküe ez düela dagün urtean beren txapela berriz defenditüko, mementoko garaipenaren plazerrarekin nahiago beitüe egon.

Entzün Pierre-Paul Dronde aita 2012ko mendi tinietako lasterkaldiko erabazlea : 

Setemerearen 2an Garindainen goizanko 10tan 3. sailan Nikolas Urruti eta Allande Iritziti, Olivier Rospide eta Jean Mixel Bonnefonten kontre ariko dira. Ondotik, 11etan lehen sailan, Olivier Landagarayek eta Thierry Itoizek, Xabi Heguiaphal eta Beñat Maitiaren etzean jokatüko düe. Arrestiritan 2. sailan 17tan, Mikael Arricau eta Pierrot Idiart, Philippe Caset eta Thierry Intxastoixipiren kontre ariko dira. Aldiz, bigerren erdi-finalan setemerearen 9an Muskildin igantearekin, goizanko 11tan 3. sailan, Patrick Irigoin eta Vincent Mongaston, Patxi Cazenave eta Yannick Exilard-en etzean ariko dira. Arrestiritan 16etan, 2. sailan Jean-Bernard Ayçaguer eta Pierre Arçanüthürry, Didier Berassategi eta Erik Etxarten kontre lehiatüko dira eta azkenik 18etan lehen sailan, Peio Jauregi eta Ximun Luku, Mixel Latxere eta Eric Ithurralden kontre ariko dira. Azkenik txapelgoaren ürrentzeko, finalak jokatüko dira ondoko igantearekin setemerearen 16an Urdiñarbeko besteen kari.

Entzün Alain Mugordoy Xiberoko Eskü-hüxkako txapelgoako antolazale bat :