Karkailak haurrentako antolatzen düan ondoko hitzordüa astelehenean (abentüaren 21ean) izanen da Kemen alkarteko Jose Perezekin. Pagolan bizi den gizon horrek arte martzialak erakasten dütü, eta eüskaraz. Egitaraua adinaren arabera antolatürik izanen da Mauleko karate gelan : 
3 eta 6 urte artekoak goizanko 10.30tarik egüerditara
7 eta 13 urte artean arrestiriko 2.30tarik 4.30tara
Aldi oroz bi talde izanen dira, adinen arabera eta parte hartzea 3 eurokoa.
Izenen emaiteko deit : 05 59 28 28 25 edo 05 59 19 17 59
Entzün Maider Sarasola :

Urtez-urte arrakasta kausitzen düan besta da. Olorueko eskalada mürrüan, 24 orenez eta etenik gabe, kirolak eta bestak bat egiten düe. Urteen poderioz, nazioarteko hitz ordüa bilhakatü da Olorueko mürrüaren 24 orenak deitü ekitaldia.
Lehiaketa bat ere egiten düe, nahiant güzier zabalik dena, eta ez goi mailakoer bera. Eta kirolaz gain, besta ere izanen da, Fabulous Goyats müsika taldearekin, aiharia badateke neskenegünean eta ondotik Gaston Lefervent taldearen kontzertüa. Neskenegün hontan hasiko da goizanko 9.30tan eta igantean ürrentüko da arrestiriko 3.30tan finalekin.

Pipas Larrandabürü mendizaleak xehetarzün zonbait ekarri deizkü :

Bortükariak alkartearen biltzar nagusian, bi aipagei nagusitü dira : ola arraberritze eta 30 urteen ospakizüna. Halere lehenik aipatü behar da ikasurteko (ürrietatik ürrietala) bilana egitean, aurten elkaldi hanitx ezeztatü behar izan dütüela aro txarrarengatik.
Bena erran bezala, aipagei nagusiak besteak ziren. Alkarteak jadanik egin züan bezala, nahi lütüzke berriz ere ola zonbait arraberritü. Bat beno haboro nahi lütüzküe beraz berritü, eta zerrendan lehena Oladübi. Bena sos biltzea lan gaitza izanen da, alkarteko Allande Sokarrosek erran deigünaz :

Patrice Metais (argazkia) da haütatürik izan Mauleko zankobalu taldearen langile izateko. SAMaren aspaldiko arrenküra zen asteazken eta neskenegün arrestiriez 18 urtez pekoen zaintzeko jentea atzamaitea. Langile berri honek, ments hori beteko dü, beste zereginak ere ükenen dütüalarik. Gazte taldeen trebazale izanen da, bai eta gehitüen talde batena ere, orai artino bezala funtsean.
Patrice Metais Pariseko eskualdetik heltü zen düala 13 urte, eta azken 11 urteetan Mauleko zankobalu taldean ebili da. Taldeko lehendakari ere izan zen urte zonbaitez. Hots, jokülari gazteentako ez da berrikuntza handia, eginen düan lanarentako pagatürik datekealaz gain.
Lanpostü hori sortü ahal izateko, SAMeko zankobalu taldeak erakunde püblikoenganik sos lagüngoa üken badü ere, bere sakolatik sos zonbait elki behar izan dütü. Horrek erran nahi dü oraitik aitzina, delako "sponcor" edo süstazale haboro atzaman beharko dütüela.
Halere, taldeko kideek dioienaz, egiazko beharrünea zen.
Entzün Jakes Jaragoieni egin deiogün alkarrizketa :