Hezkuntza

: Hezkuntza; 2012 Martxoa 06; Agerraldiak: 3206

Xiberoko Ikastoletako borta zabalak

« Ikastola Bai » izen emaite kanpaina abiatzen da martxoaren 11an Aloze eta Sohütako ikastoleetan, Borta zabalak eginen beitira. Beren haurrer eüskarazko erakaskuntza eskentü nahi düenentako, aitetama berriak kümit dira egoitzen bijitatzera, erakasleekin mintzatzera jakiteko nolako erakaskuntza eskentzen den ikastoleetan eta ikusteko zer baldintzetan eskolatürik diren haurrak. Honen kari, Ikastolako ardüradünek eskolaren ibilmoldea jakinaraziko düe. Martxoaren 10ean Aloze eta Sohütako ikastoletan Borta Zabalak dirate goizanko 10tarik egüerditara.

Entzün Jojo Malharin Ikastolako lehendakaria :

: Hezkuntza; 2012 Otsaila 23; Agerraldiak: 2979

Xiberoko Gaü Eskolaren bigerren sartzea

«Beharrietarik Ahoalat» lema pean ikasurteko bigerren sartzea eginen dü Xiberoko Gaü Eskolak dagün martxoaren 5ean. Eüskara entelegatzen bena mintzatzera ausartzen ez direner hersatzen dira kursoak. Gaüzak behar bezala antolatzeko gisan, bilküra eginen da barantailaren 29an 18.30etan Gaü Eskolan. Lehen kursoa martxoaren 5an eskentüko da. Artean, xehetarzün güzien ükeiteko edo izenen emaiteko 05.59.19 18.44 zenbakiala deitzen ahal da.

Entzün Beñat Espil Xiberoko Gaü Eskolako erakaslea :

: Hezkuntza; 2012 Otsaila 10; Agerraldiak: 2268

Maule Gaineko eskola ere oküpatürik !

Mobilizatürik dira Barkoxe, Montori, Urdiñarbe, eta Maule Gaineko eskoleetako etxenkoak eta denak eskola oküpatzen ari dira. Goiz hontan sartü dira mogimentüan Maule Gainekoak. Lehenik ez düe ützi erakaslea gelan sartzen eta elebidün saileko ikasleak ez dütüe ützi Peko Eskolara jaixtea euskarazko kurtsoaren jarraikitzeko. Maule Gaineko eskolatik Frantsesezko erakasle postü erdi bat elki nahi dü hezkunde nazionalak, Argia kolegioan ezarteko. Etxenkoek ez düe hori honartzen beren ustez erakaskuntza gibel ari beita. Berant bada berant Herriko Etxearen süstengüa üken düe. Astearte gaüan Oloruen bildüko dira ikuskariarekin. Urdiñarbe eta Muskildiko eskolako etxenkoek aldiz, kümitatzen dütüe bi herrietako jente güziak, astelehen arrestitan 16etan eskolan eginen den alkarretaratzean parte hartzera eta süstengüaren ekartzera, tenore hortan ikuskaria agertüko beita.

Entzün Nathalie Etxeberri ikasle baten ama :

: Hezkuntza; 2012 Otsaila 20; Agerraldiak: 3162

46 erakasle postü eta 18 gela zerratüko departamentüan

46 erakasle postü eta 18 ikasgela zerratüko direla jakinarazi dü Akademiako Ikuskaritzak barantailaren 18ean Pauen. Akademiako Inspekzioneak honartü dü hala ere, Urdiñarbeko eskolako postü erdiaren etxekitzea. Haatik, Montori, Maule-Gainea eta Barkoxeko eskoleetan postü elkitzeak berretsirik izan dira. Oporrak izanik ere, mobilizatürik egoiteko deia zabaltü dü FCPE etxekoen alkarteak.

Entzün Dominique Rousset FCPEko lehendakaria :

Entzün Mathilde Blanchard FSU sindikatekoa :

Entzün Nathalie Boscq Urdiñarbeko eskolako etxeko bat :

Entzün Patricia Bonnefont Barkoxeko eskolako etxeko bat :

: Hezkuntza; 2012 Otsaila 10; Agerraldiak: 3501

Urdiñarbeko eskola kexü

Eskola kartan agertzen den postü elkitzea ez düe honartzen Urdiñarbeko eskolako etxekoek eta herriko aüzapezak. Barantailaren 9az geroztik eskola oküpatzen düe eta ozenki jakinarazi düe ez düela bertan zeditüko. Frantsesezko postü erdi bat galtzekotan da Urdiñarbeko eskola elebidünean. Oraiko 43 ikasleetarik 41etara eraitsi behar lüke dagün setemerez. Etxekoek deioienaz : "Bi ikasle gütiagoarentako postü erdi baten galtzea ezin dela honart". Barantailaren 13an Olorueko Ikuskaritzarekin bildüko dira eskolan eta oküpazionearen jarraikitzeko prest agertzen dira dagün barantailaren 17ala Hezkunde Nazionalaren Departamentüko Batzordearen bilküra igaran artino .