Hezkuntza

: Hezkuntza; 2014 Iraila 09; Agerraldiak: 1634

Eskolen sartzea Xiberoko ikasetxeetan.

Baldintza honean egin da ikasurtearen sartzea Xiberoko ikasetxeetan. Berogaineko Xiberoko Laborantza lizeoan. 335 ikasle kontatü ziren, horietarik 130 berri eta barnetegia osoki beterik da 265 ikasleekin. Laborantza sailan 18 ikasle edireiten dira lehen urtekoen klasean. Champo eta Sohütako lizeoak eramanen dütüan züzendari berria izanen da ikasurte hontan. Jean Bourdaa Aspe ibarretik horra da eta aitzineko xedeen segida hartüko dü. 135 ikasle sartü dira aurten Sohütako lizeoan eta Champon izen emaiteko haidürü baratü dira ikasle zonbait. Azkenik, 75 gazteekin egin da sartzea Atarratzeko Kolejioan. Erakasleen aldetik ez da kanbiamen handirik, matematika eta eüskarazkoa berriak dira. Elebidüntarzünak bere leküa hartzen dü emeki emeki. Hiru ikasetxe horietako züzendariekin mintzatü gira.
Christophe Gaget laborantza lizeoko züzendaria :

Jean Bourdaa Sohütako eta Champo lizeoetako züzendaria :

Jean Charles Fernandez Atarratzeko kolegioako züzendaria :

: Hezkuntza; 2014 Iraila 09; Agerraldiak: 1803

Haurtzaintegia Eüskaraz.

Baionako eta Paueko CAF edo Familien lagüntza kutxak ez dira ber politikan ari haurrer eüskarazko zerbütxüak proposatzeko momentüan. Baionakoak Eüskararen Erakunde Publikoarekin düan partaidetzagatik haurtzaintegi elebidünak plantan ezarteko ürratsak emaiten dütü. Pauekoa berriz, oztopo ere bilakatzen da. Mauleko haurtzaintegia Xiberoko Herri Elkargoak sortü züan eüskarazko zerbütxüa ere plantan ezarteko xedez, bena errealitatean 12 langileetarik 2 baizik ez dira eüskaldünak. Bi langile horiek formakuntzan dira eüskara maila hobetzeko, bena horien ondotik nahi düen langileak baizik ez dira eüskara ikasten hasiko. Ondorioz, Maule üngürüko guraso talde bat bildü da haurtzain eüskaldünekin haurtzaintegi ttipi bat sortü nahian.
Joana Etxart guraso taldeko kidea :

: Hezkuntza; 2014 Uztaila 29; Agerraldiak: 1748

103 haur Mauleko Agerrian

Udalbiltzaren nahiküntea zen Eüskal Herri osoko haurrentako üdako bilgüne baten proposatzea. Mauleko Agerria apezetxe ohian hala egin da iragan astetik Uda Leku eta Ikastolen alkarteek bat eginik antolaketan. Eüskal Herriko bazter orotarik jin haurren artean ezagütza berriak egin dütüe, eta bestalde, Xiberoa ezagütü düe. Holzarte, Kakueta, Mauleko gaztelüa... lekü hanitxetara joan dira haurrak autobüsez ala hoinez. Petti Buhame pastorala ikustera ere joan dira, aitzinetik Mixel Etxekoparren argibideak entzünik. Gaztelüa Allande Etxartekin bijitatü düe, eta Gartxot filma ikusi ondoan Asisko Urmeneta filmaren egileak mintzaldi bat eskeini deie. Asteartean, egonaldia ürrentzeko püntüan zelarik, aste osoan prestatü ikusgarri bat eman düe haurrek Xiberoko ikastolak sortü zütüenen omenez, dantzan eta kantan.
Entzün Agerrian egin dügün erreportajea:

: Hezkuntza; 2014 Abuztua 08; Agerraldiak: 1945

Üdako eüskara ikastaldia

Xiberoko Gaü Eskolak urte oroz antolatzen düan ikastaldia agorrilaren 4tik 10ealat iragan zen Mendikotan. Xiberoko Botzaren üdako langilea, Otxanda Queheille, harat joan zen eta heben düzüe entzüngei hanko sükaltari, ikasle eta irakasleekin egin züan erreportaia:

: Hezkuntza; 2013 Abendua 16; Agerraldiak: 1737

Xiberoa Herri alkargoak eskolako erritmoen erreforma plantan ezarri behar lüke.

Iragan ostegüneko biltzarrean, Xiberoa Herri alkargoaren gehiengoak, eskolako erritmoen erreformako antolaketa berria bere gain hartzea erabaki dü. Erreformaren plantatzea, herri bakotxari üzteko proposamena aldiz gütiengoan egon zen eta beste bi proposamenak hatsarretik baztertüak izan ziren, eskolaren eskümen osoa hartzea edo eskola ondoko aktibitate güzien ardüra hartzea, haurzaintza eta kantina barne. Orai herriek baieztatü behar düe alkargoaren erabakia eta gaüzak zentzü hortan üngüratzen badira, eskola ondoko aktibitateen antolaketa alkargoaren gain dateke eta lan talde ezbardinek adostüko düe Lürraldeko hezkuntza xedea, 2014eko eskola sartzearentako planta ezarri beharko da.
Dominika Boscq alkargoako lehendakaria :