Hezkuntza

: Hezkuntza; 2012 Iraila 20; Agerraldiak: 2296

Egür energia eta beste energiari bürüzko mintzaldia

Herri eta herrien arteko mailako alternatiba ekologiko eta energetikoer bürüzko mintzaldiak proposatzen dütü Bizi mugimentüak Xiberoa Herri Alkargoaren partaidegoarekin. Setemerearen 21an hasiko dira mintzaldiak Baionako IUTan, biharamenean neskenegün goizan Maulen eta arrestiritan Lasan ürrentzeko. Hiru hitzaldi horientzat Michel Maya Saone et Loireko Tramayese herriko aüzapezak bere experientziaren berri emanen dü. Jakinez herri horek, 2012an energia berriztagarrien europar ligako lehen saria eraman züala. Herriko petroleozko berogailüak egürrezkoetaz ordezkatüz.

Entzün Xabier Harluxet Bizi mugimentüko kidea :

: Hezkuntza; 2012 Iraila 14; Agerraldiak: 2472

LARPS ikastetxea handitzez doa

Egün LARPS (Lycée Agricole Rural Privé de Soule) eskola sartzeari interesatüko gira. Llabür biltzeko, Christophe Gaget züzendaria aski botzik agertü da sartze hontaz. Iragan urteko azterketen emaitzak gogoan, ikasleen kausipena %93koa izan beita. Erran behar da, düala 15 urte ikasleen heina ehün batetakoa baizik ez bazen, egün hiru ehünez goitikoa da. Akitania osotik jiten dira ikasleak. Beste püntü baikorretan, lanborantsa sailan haurzionea ari dela emendatzen. Iragan urtetan 10 altexekoak balinbaziren, aurten 18 dira. Bestalde, LARPSen egoitza handitze lanak bertan hasi behar lütükee.

Entzün Christophe Gaget LARPS ikasetxeko züzendaria :

: Hezkuntza; 2012 Iraila 08; Agerraldiak: 2453

Eskola sartzea Xiberoko ikastoleetan

134 haurrekin hasi düe aurtenko ikasturtea Xiberoko ikastolako erakaslek. Sohütako ikastolan lanak abantsü ürrentürik dira eta Alozeko ikastolan hirugerren mailarekin aitzina jarraikitzen düe.

Entzün Ani Aguer Eperra ikastolako züzendaria :

Entzün Eperra ikastolako haurrak :

: Hezkuntza; 2012 Iraila 13; Agerraldiak: 2556

Ikasleak emendatzen San Frantses kolegioan

Ez da zerratzeko prest San Frantses kolegioa !!!!! Azken urte horietan ikasle gütiago agertzen bazen, irria eta ümor hona arrajin dira. Erran behar da kolegioaren promozione lana frütüa ekarten düala. Darracq jaunak erran deikünaz, Frantzia alde orotarik (DOM-TOMtik ere) jiten düela ikasle zonbait, equitazione opzionerentako. Mementoan, lizeoko mürrü ohiak saltzeko balin badira sekülako bizia da mauleko kolegio zaharrean !

Entzün Darracq jauna Mauleko San Frantses kolegioko züzendaria :

: Hezkuntza; 2012 Iraila 08; Agerraldiak: 2577

Eskola sartzea Atharratzeko kolegioan

81 ikasle agertü dira Atharratzeko Jauregi kolegioan ikas sartzeko. Fernandez jaun züzendariak erran deikünaz, sartzea normalki iragan dela eta iragan urtearekin konparatüz bi ikasle haboroekin. Orotarat, 81 ikasle dira eta seigerrenean 26ak. Üda hatsarrean erraiten geneizüen bezala, sail elebidüna zabaltürik izan da. 6.enean bi posibilitate üken dütüe ikasleek, eüskara opzione gisan bi orenez astean edo erakaskuntza elebidünean, eüskara 4 orenez astean eta historia geografia ere eüskaraz. 5.ean diren ikasleek eüskararen erakaskuntzaz gei fisika ere ikasiko düe eüskaraz astean oren eta erdi batez.