90 jente, depütatü bat ,zenatür bat eta 10 aüzapez, horietan 2 kontseilü orokorrak, Xiberoan Bateraren Biltzarrean ! Ez da düdarik interes handia piztü düala Eüskal-Herriko kolektibitate proposamenaz egin den biltzarrak. Erraiten ahal da ideia horrek bide egiten düala, zeren mahainaren üngürüan ziren haütetsi güziak, izan ditian eskerreko edo esküineko, ados beitira Eüskal Herriaren Kolektibitate bereziarekin. Jean Lassalle depütatüak aitortü badü ere ideiaz kanbiatü dela, xede horrekin bere postüaren galtzeko arriskü düala erran dü(…). Frederique Espainac zenatürak, sozialisteekin hitzeman düe xede hori defenditüko düela Parisen, hortarako, Eüskal-Herriko Haütetsien Kontseilüak behar dü bere gain hartü kolektibitate xede hori. Ondoko egüneetan, mintzaldi honen entzüteko parada dükezüe Xiberoko Botzako webgünean, artikülü honen pean.

Entzün Jean Lassalle depütatüa :

"Lürraldeen Erreformaren" kari, Departamentüko Lürraldearen karta berria berriz ikusiko beita, "Eüskal-Herriko Haütetsien Biltzarrak" mozione bat bozkatü dü, Xiberoa, Lapurdi eta Baxenafarroa lotürik izan ditian karta berrian. Mixel Etxebest "Eüskal-Herriko Haütetsien Biltzarrako" lehendakari ordariak, galtoaren zergatiak agerazi dütü. Historikoki Eüskal-Herrian izateaz gain, EPFL, Eüskal Mendia, Osagarri edo Eüskara sailetan, sail zonbait baizik ez aipatzeko, Xiberoa, Lapurdi eta Baxenafarroak lan egiten düe, bena beti berex agertzen dira. Nahiz eta ez den jakinik noiz bürütüko den "Lürraldeen Erreforma", "Haütetsien Biltzarrak" bere ikusmoldearen agerazteko parada züan, hots hortaz baliatü dira sinpleki, erran deikü Mixel Etxebestek.

Entzün Mixel Etxebest "Eüskal-Herriko Haütetsien" lehendakari ordaria :

Kirol günearen üngürüko lanak ürrentzen ari direlarik, Mauleko Herriko-Etxean arraberritze obrak abentüan hasiko direla, jakinarazi dü Herriko Kontseilüak « Mauleko Gütüna »-ren azken alean. Püblikoaren batzarria hobetü nahi da lan horien bidez. Segürtantxako normetan izateko ere hobekuntzak ekarriko dira eta informatika pikoan ezarriko da. Orotara, 300 000 euroko inbestizamentüa eginen da. Bestalde, Jai-Alaiko lanak bide honean direla baieztatü deikü Mixel Etxebest aüzapezak, sargiak eta aldagelak berritzen dira hor. Ondotik, trebatze zelaiak freskatüko eta argitüko dira. Rugby zelaiako jargien peko gelak arraberritüko dira, eta ahalmen ürriko jenteer batzarriaren egiteko behar diren lanak eginen dira. Orotarat, hiru urtez miliu bat iraganik euroko inbestizamentüa egin da kirol günean.

Entzün Mixel Etxebest Mauleko aüzapeza :

Batera Plataformak kanpaina berri bat hasten dü azaroa hontan ! 2010ko herri galtokaren ondotik, Batera plataformak orano ere Eüskal-Herriko lürralde kolektibitate baten xedea mahainaren gainen ezarri nahi dü. Azaroaren 18, 19 eta 20an, 15 foro antolatürik izanen dira Ipar Eüskal-Herri osoan, kargüdün politiko hanitx elestatüko dira beren ikusmoldearen emaiteko, lürralde erreforma berriaren mezperako memento hontan. Xiberoan ere, foro edo mahain üngürü bat antolatürik da azaroaren 19an, hontan parte hartüko düe Frédérique Espagnac senatür andereak, Jean Lassalle depütatüak, Xiberoko Kontseilü Orokorrak diren Arnaud Villeneuve eta Jean-Pierre Mirande, Herri Alkargoako lehendakaria den Dominika Boscq eta Allande Socarros Herri Alkargoako lehendakari ordariak. Hitzordüa emanik da Mauleko Zerbütxü günean, azaroaren 19ean arrestiriko 3 orenetan. Jenteek mahain üngüruan parte hartzen eta galto pausatzen ahalko düe. Prefosta, ororer zabalik da !

Entzün Frantxoa Camus eta Léonie Aguergaray Xiberoko Batera plataformako kideak :