XÜXENEAN ENTZÜN

Laborantxa - Üngüramena

Previous Next

Battitte Heguiaphal 21 urteko laborari gaztea düala 6 hilabete Aleko bere aitarekin GAECean instalatü da.

280 ardi bürü gorri eta 22 behi gorri badütüe. Arramaiatz erditan Ardaneko olhalat igan gabe AOC ossau irati gazna egiten düe aita semek.

Battitte Heguiaphal Uhart: 

 

Previous Next

Egün proposatzen deiziegü Zalgizeko Jauregizahar etxaltean Thérèserekin gaznaren egitea jarraik dezagün !

Thérèse Hoqui, eta bere semea Bettan GAEC-ez instalatürik dira. 300 bat ardi eznadün  badütüe zoinekin üdan Bostmendietan gazna egiten düen.  Düala urte zonbait Manex bürü gorrietarik, manex bürü beltzetarat igaitea erabaki züen, Eüskal Herriko bortüer ontsa egokitürik den ardia beita.

Biolojikoalat igaiteko haütüa egin düe.

Azken urteetan, Thérèse etxeko altxatürazia edo « levain » aren egiten hasi da. Ximia egile baten gija, bere eznean diren mikro-organismoak zelekzionatzen dütü, eta ondotik horik gaznaren egiteko püntüan lanean hasiko dira.

Maiderrek Tolosan jarraikitzen düan formakuntzarentako hortaz erreportajea egin dü.

Previous Next

Atarratzeko ühaitz bazterretan ebili gira Jüje Thiry-en gibeletik. Harek ikasketak egin dütü botanikaz.

Lantaretaz bai eta üngüramenaren kaltetzeaz mintzatü gira :

Previous Next

Arratu ttipi baten itsüra dü, tronpeta gisako mütür batekin, gibeleko zankoak palmatürik eta büztan püntan ere palma batekin. Kalitatezko hur hotzetan laket da.

Hartako tarta sagüa (frantsesez désman des pyrénées), partikülarzki Pireneoetan atzamaiten da , Xiberoan hanitx badira, Ozaze eta Iruritik goiti ühaitzean eta geroz eta gorago eta geroz eta haboro.

Arrisküan den kabalea da eta hartako kontaketen egiten ari dira. Parte harzaletan SIGOM, natüra günen kontserbatorioak, estatüa eta beste..

Mementoko, GPS- ak ezarriko dütüe zonbaiter, beren bizi güneen ikusteko, beren kakak eta herexak ere txerkatzen dütüe.

 

CEN (Conservatoire Espace Naturels) eko Thirry Laporte eta Larrañeko mera den Jean-Do Iriartek xehetarzünak emaiten deizküe: 

Previous Next

Asteazken hontan, gure jan-moldeak galtozkatüko dira. BLE alkarteak eta gohetxeko alkarteak gaüaldi bat proposatzen deizüe “la part des autres” dokümentalaren üngürüan eztabaidatzeko.

Agro-industriaren gezürrak eta gure janhariaren kalitate pobretzea aipatüko dira.

Johañe Etxemendi Gohetx :

Gaüaldia 8 orenetan hasiko da jateko eta edatekoarekin ondotik dokümentala hedatürik izanen da 9 orenetan.

Horrik oro Iruriko herriko gelan iraganen da.