Alkarte berri bat sortü berri da Xiberoan: Dantza bideak izenekoa. Iragan arramaiatzean Emazteen Iraultza ikusgarria hontü ondoan, alkartea sortü düe seteme ürrentzean.
Alkartearen nahikündea : dantza ezberdinen süstengatzea Xiberoan. Xede nausia dantza ikasgei eta ikusgarri elibaten eskeintzea dateke.
Ikasgei edo kurtsoetaz gain ikastaldiak eskeiniko dütüe.
Justoki, ürrietaren 17 eta 18an ikastaldi bat eskeiniko düe Champo lizeoko kiroldegian. Contemporain edo garaikide Dantza inprobisazio kurtso bat dateke. Izenak emaiteko« Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. ».
Azkenik, ürrietaren 10ean, hots neskenegünean, modern jazz iniziazio kurtso bat eskeiniko düe : Maulen arrestiko 16.30tan.
Eta jakin dantza oroer zabalik dela, izan dantzari ala ez, zahar ala gazte, gizon ala emazte.
Dantza bideak alkarteko Maitena Pochelurekin elestatü da Ximun Uthurralt:

"PIK-PIK krakapitakusa " libürü berriarekin horra da Laurent Caudine Astobelarra argitaletxearen sortzaile eta langilea. Aldi hontan libürüa 7 urte beno haboro dütüen haurreri züzendürik da. Frantsesez ezkibatürik izan da lehenik eta Xiberoako Gaü Eskolako  4. Mailako ikasleek ützüli düe.
Ahatik, libürüa finantzatzen lagüntzeko beharra eta parada bada azaroaren 2a arte; libürüaren erostez aitzinetik lagüntzen ahal dütüzüe eta audela hor erosten bada merkeago izanen da.
Azaroaren 2a arte libürüa Xiberoako Gaü Eskola ta Xiberobio saltegian erosten ahal dateke.
Laurent Caudine:

Urrietaren 10 an ,Irunan ,pastoral bat emanen da. Irunako kültüra markatü düan Joxemiel Bidador-en bizi llabüraz izanen da pastorala.
Idazlea, ikerlaria eta dantzaria izan zen Joxemiel Bidador, eta gazterik zentü 40 urteetan.
Pastoral baten egitea Irunan abiatü zen ,Ederlezi xiberotarrek eman pastoralaren ondotik.
Irunako 4 alkarteek ,Joxemiel Bidador eri omenaldi bat egin nahi zeioen eta pastoral baten egitea üdüritü zaie molde hoberena zela.
Yon Alonso ek idatzi dü istoria eta Xiberotarsa bat, Ihitz Iriart Alozekoa, da pastoralaren errejentsa  edo taula gaineko joküaren eramaile.
Orrotarat 50 bat arizale dira eta pastoral hori ikusi nahi düenek beharko dütüe leküak aitzinetik hartü, telefona zenbaki hontarat deitzez : 948 225 845 edo mailez: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko..
Pastorala emanen da urrietaren 10 an , arrestiko 5 etan,Irunako burgos plazan denbora ederra bada , ebia bada ,labrit pilota lekuan.
Ihiitz Iriart:

Aurtenko ondarearen egünak edo "journées du patrimoine" izeneko egünaldiak abiatzen dira ostirale hontan Frantzian eta Xiberoan ere.
Aurtenko lema da XXIgerren menteko ondarea. Xiberoan eraikuntza eta gaztelü hanitx ikusgei dirateke beraz aste ondar hontan.
Maulen, gaztelüetarik kanpo, historiaz ardüratzen den Ikerzaleak elkarteak urte oroz bezala bere gain hartzen dü egünaldi horien animazioa.
Hartakoz, hitzordü nausietan, ostiraletik aitzina, mintzaldi batekin abiatzen düe ostirale gaüan Mauleko turisma gulegoan Michel Larroche arxitektarekin eta neskenegünean Xiberoko etxeen erakusketa batekin jarraikiko düe ber günean.

Robert Elizondo: