Kultura

: Kultura; 2017 Apirila 11; Agerraldiak: 2430

Gorderik egon den Xiberoko hondarea gureganatzen deikü Ikerzaleak alkarteak.

1914ko gerla, eliza erromanikoak, Mauleko gaztelüa, harrimahainak, espartiñagintza… hona, besteak beste, orai artino Ikerzaleak alkarteak bürütü dütüan ikerka lanak. Azken denbora horietan, bi ildo nausitan ari da. Alde batetik, Jean de Jaurgainen eta Jean Vignéren artxibo edo goititzeen ikertzen. Lehenaren kasüan milaka dokümentü badira, zaharrena, 11. mentekoa delarik. Bigerrenak, aldiz, xiberotarrek Hego Ameriketala eta Estatü Batuetara herbestetzea dü aipatzen. Bigerren lan ildoa, berriz, hilaharrien eretzekoa da, besteak beste bide bazterretan edireiten direnak. Ikerzaleakoek dioienez, harri horietarik honenbeste Xiberoan agitü diren ehaiteer lirateke lotürik.
Michel Colas :

Robert Elissondo alkartebürüa :

: Kultura; 2017 Apirila 04; Agerraldiak: 2992

Soka erakuska Xiberoan dügü!

"Soka" da dantza erakuska bat, non ere agertzen diren Eüskal Herriko dantzari argazki, bideo edo orano lekükotarzün franko. Erakuska hau ikusgei da Maule-Lextarreko Hondararen Etxean, apirila honen 3tik 13ala artino. Euskal Kultur Erakundea eta Iparraldeko Dantzarien Batzordeak antolatürik da. Erakuska horrez gain, lehentze ikusgei dateke "Elgoyhen ikasgia" deitürik izan den bildüma. Hontan, Bordelen bizi den Dominique Niçibar xiberotarrak bere bizi orotan Xiberoko dantza-jauziez bildü argazkiak ageri dira. Arren, dantzaz eta argazki ederretzaz gozatzen direnak hüllantü behar düe segür ere oso aberatsa den erakuska hortara. Oraikoan, Maule-Lextarreko Hondarraren Etxean balin bada, Atarratzera ere ekarraztea gogoan düe antolazaleek.
Mathilde Caraminot erakuskako ardüradüna :

Johañe Etxebest :

: Kultura; 2017 Martxoa 31; Agerraldiak: 2442

Organo eta klarineta kontzertü bat igantean !

Maule-Lextarreko elizan, organo eta klarineta kontzertü bat antolatzen dü "Melodies en Soule" alkarteak, igande hontan. Alkarteak bi helbürü dütü : müsika klasikoaren herritarrren artean zabalazatea, urte oroz bi kontzertü bat klasiko antolatzez, eta Maule-Lextarreko organoarekin urte oroz kontzertü baten plantatzea. Aurten, audela organo joilea ikusten ahal dateke, Filip Etxegoienek filmatüko beitü eta xüzenean pantaila edo ‘ecran’ handi batetan erakutsiko. Kontzertüa arrestiriko 4 orenetan hasiko da. Izenaa lehenago emaitez, lekü hon bat ükeiten ahal dükezü ; hortarako deit: 05.59.28.11.18 edo 05.59.28.35.23. zonbakietara.
Appien Lahorerekin xehetarzünak :

Aitzin txestatze bat heben :

: Kultura; 2017 Apirila 04; Agerraldiak: 2393

Jentez fundi Xiberoan, 20. Korrikarentako

Xiberoan ere 20. Korrika iragan zaikü atzo goizan. Arüerik Oxkaxerat arte, Maule-Lextarretik igaraitez. Hots, Korrikaren 869.kmtik 900eala arte. Hortarako 31 alkarte, entrepresa edo eskolak lekükoa esküz-eskü igaranarazi düe kilometraz kilometra. Goizan lanhoa balin bazen, zale altxatü zen eta zelü urdin eta zohardi bat gozatü ahal üken düe lasterkariek, eüskararen besta ejer hontako. Hona, lekükotarzün zonbait :

: Kultura; 2017 Martxoa 31; Agerraldiak: 2429

Asteleheneko korrika gabe, animazione hanitx aste ondar hontan

Mauleko korrika kültüralaren azken antolaka neskenegün hontan date. Arrestiriko 4 orenetarik aitzina badate: zirka ikasgia, antzerki, performantzia eta jeialdia. Ebia baldin bada aterbeak badirateke. Astelehenean Korrika igaranen den kafea eskaintürik date 9 orenetarik aitzina Zinka ostatüan, bizkarrekoak ere han berean erosteko parada badate. Bildüma Patxi Patalagoiti eta Jon Foucher antolatzaleekin :

16:00: haurrendako zirka tailerra Herriko Etxe aintzineko inganiogünean (ebia bada, eskola püblikoan)
19:00: “Francoren bilobari gutuna” antzerkia Maule Baithan.
21:00: Performantzia, müsika irüdi eta bideo. Üztaro alkartekoak eta Pantxix Bidart müsikalariarekin Gaü eskola aitzinean. (Ebia bada, Tokiaren Kasernan date)
23:00: kontzertüa Zinka ostatüan; “Pecozza United” Iruneko punk taldearekin